Joriy yilning 1-may kuni Mirzo Ulugʻbek nomidagi Oʻzbekiston Milliy universiteti oʻqituvchi va talabalari Oʻzbekiston Respublikasi Prezidenti huzuridagi Statistika agentligi markaziy apparati ish jarayonlari bilan tanishishdi.
Talabalarga Oʻzbekiston Respublikasi Prezidenti huzuridagi Statistika agentligining Inson resurslarini boshqarish va rivojlantirish boshqarmasi boshligʻi oʻrinbosari Farhod Toʻrayev hamda Kadrlar malakasini oshirish va statistik tadqiqotlar instituti direktori Bahodir Gʻayibnazarov statistika tizimida amalga oshirilayotgan ishlar borasida batafsil tushunchalar berib oʻtishdi.
Jumladan, Narxlar statistikasi boshqarmasi, Xalqaro hamkorlik va axborot almashuv boshqarmasi, Investitsiyalar va qurilish statistikasi boshqarmasi, Roʻyxatga olish jarayonlarini tashkil etish va oʻtkazish boshqarmasi hamda Jismoniy va yuridik shaxslarning murojaatlari bilan ishlash va ijro intizomi nazorati boshqarmalarining ish jarayonlari bilan tanishish orqali nazariy ko‘nikma olishdi.
Shuningdek, talabalar Agentlikda tashkil etilgan “Statistika muzeyi” bilan ham tanishtirildi.
Shundan soʻng, universitet oʻqituvchilari, talabalar va ilmiy izlanuvchilarining oʻzlarini qiziqtirgan savollariga Agentlik mutaxassislari batafsil javob berishdi.
Kelgusida ham bunday uchrashuvlarni doimiy oʻtkazilishiga kelishib olindi.