08/07/2019

Davlat statistika qo`mitasining Ochiq ma`lumotlar portali faoliyatini monitoring qilish va muvofiqlashtirish boshqarmasi boshlig`i Akrom Sultanov 2019-yilning 1-4-iyul kunlari Kiev shahrida (Ukraina) bo`lib o`tgan ochiq ma`lumotlar ekotizimini shakllantirishda xalqaro tajribani o`rganish masalalariga bag`ishlangan seminar-treningda ishtirok etdi.

Mazkur seminar-trening YeXHTning O`zbekistondagi loyihalari Koordinatori ko’magi yordamida tashkil etildi.  

Shuningdek, mazkur seminar-treningda Umid Pulatov (EXHTning O`zbekistondagi loyihalari koordinatori ofisi xodimi), Azimiddin Raxmatov (RBC Group Solutions kompaniyasining konsultanti) va Abdulaxad Kuchkarov (IT-Parka konsultanti) ishtirok etishdi.

Seminar-treningning asosiy maqsadi, O`zbekiston Respublikasi Prezidentining 2019-yil 9-apreldagi “Davlat boshqaruvining ochiqligi va shaffofligini ta`minlash hamda mamlakatning statistika salohiyatini oshirish yuzasidan qo`shimcha chora-tadbirlar to`g`risida”gi PQ-4273-son qaroridagi O`zbekiston Respublikasi Davlat statistika qo`mitasiga yuklatilgan vazifalarni ijrosini ta`minlashda qo`mitaning salohiyatini oshirish bo`ldi.

Seminara-trening davomida:

  • “TAPAS” dasturidagi Ochiq ma`lumotlar komponenti rahxbariyati;
  • Ukraina elektron boshqaruv davlat agentligida ochiq ma`lumotlar uchun mas`ullar;
  • Ukraina Moliya vazirligi vakillari va “Ochiq moliya” vakillari;
  • “Open Data Challenge” musobaqasi sovrindorlari bilan uchrashuvlar bo`lib o`tdi.

 

Axborot xizmati

 

Tugmani bosing Tinglash GSpeech