Yevrostat tomonidan 2019-yilning 2-3 iyul kunlari Litvaning Vilnyus shahrida Sharqiy Yevropa, Kavkaz va Markaziy Osiyo davlatlarida qishloq xo‘jaligi statistikasi bo‘yicha seminar o‘tkazildi.
Mazkur tadbirda O‘zbekiston Respublikasi Davlat statistika qo‘mitasidan Qishloq xo‘jaligi va ekologiya statistikasi boshqarmasining Qishloq xo‘jaligi ishlab chiqaruvchilar faoliyatini statistik kuzatuvlari bo‘limi boshlig‘i A.A’zamov ishtirok etdi.
Tadbirda Armaniston, Ozarbayjon Belarus, Gruziya, Qozog‘iston, Qirg‘iziston, Moldova, Tojikiston, Ukraina, Litva va O‘zbekiston kabi davlatlarning qishloq xo‘jaligi statistika sohasi bo‘yicha mutaxassislari va Yevrostatning ekspertlari ishtirok etdilar.
Tadbirda muammolar o‘rganish va xalqaro tajribalar asosida qishloq xo‘jaligi kuzatuvlarini olib borish masalalari muhokama qilindi. Shuningdek, vazirliklar va idoralar o‘rtasida qishloq xo‘jaligi sohasidagi hamkorlikni yanada mustahkamlash, olingan bilimlar asosida xalqaro tamoyillarga mos keluvchi qishloq xo‘jaligi sohasidagi statistik ma’lumotlarni shakllantirish borasida ham fikr almashildi.
Axborot xizmati