2019 yilning 24-25 iyun kunlari Parij shahrida (Fransiya) sanoatda energiya samaradorligini oshirish va uzoq muddatli energiyani rejalashtirish bo’yicha Forum bo'lib o'tdi. Yig’ilish Xalqaro energetika agentligi tomonidan tashkillashtirildi. Unda Armaniston, Ozarbayjon, Belorussiya, Gruziya, Moldova, Qirg'iziston, Qozog'iston, Tojikiston, Ukraina, O'zbekiston statistika organlarining vakillari ishtirok etdilar.
Yig'ilishda milliy va xalqaro statistika tashkilotlarida energetika statistikasi sohasida ishlovchi mutaxassislari qatnashdi. Yig'ilishda O'zbekiston Respublikasi Davlat statistika qo'mitasidan Statistika ishlarini tashkil etish va metodologiya boshqarmasi boshlig’i M.Husanova ishtirok etdi.
Ushbu tadbir sanoatda energiya samaradorligini oshirish va uzoq muddatli energiyani rejalashtirish, hamkor davlatlardagi energiya resurslari bo’yicha statistik ma’lumotlarning umumiy sifati va shaffofligi borasidagi energetika siyosati sohasida xalqaro tajribani o'rganish, shuningdek, energetika xavfsizligi sohasidagi siyosat uchun axborot talablari bo’yicha bilimlarni kengaytirish maqsadida tashkil etildi.
Ахборот хизмати