2019 yilning 4-5 aprelida Parijda (Fransiya) Energetika sohasida yoqilg’i talabini kamaytirish va almashtirish siyosati bo’yicha Forum bo'lib o'tdi. Uchrashuv Xalqaro energiya agentligi tomonidan tashkillashtirildi. Unda Armaniston, Ozarbayjon, Belorussiya, Gruziya, Moldova, Qirg'iziston, Qozog'iston, Tojikiston, Ukraina, O'zbekiston statistika organlarining vakillari ishtirok etdilar.
Yig'ilishda milliy va xalqaro statistika tashkilotlarida energetika statistikasi sohasidagi ekspertlar ishtirok etdilar. Yig'ilishda O'zbekiston Respublikasi Davlat statistika qo'mitasidan qo'mita Rais o'rinbosari A.Ikramov ishtirok etdi.
Ushbu tadbir energetika sohasida yoqilg'i talabini qisqartirish va almashtirish bo'yicha siyosati xalqaro tajribani o'rganish, hamkor-davlatlardagi energetika statistikasining umumiy sifati va shaffofligi, shuningdek, energiya xavfsizligi siyosati bo'yicha axborot talablarini bilish maqsadida tashkil etildi.
Axborot xizmati