2020-yil 3-fevral kuni Davlat statistika qo‘mitasida Xalqaro valyuta jamg‘armasi texnik yordam missiyasining milliy hisoblar statistikasi bo‘yicha vakili Levan Gogoberishvili bilan uchrashuv o‘tkazildi.
Uchrashuvda Davlat statistika qo‘mitasi Raisi Bahodir Abdusalomovich Begalov hamda Levan Gogoberishvili mazkur missiyaning vazifalari haqida fikr-mulohaza almashdi.
Missiyaning asosiy maqsadi – diskret choraklik milliy hisoblar ko’rsatkichlari, yillik resurslar va ishlab chiqarish jadvallarini takomillashtirish hamda boshqa choraklik iqtisodiy statistika bilan bog’liq ko’rsatkichlarni tahlil qilishdan iborat.
Missiyani o‘tkazish dasturiga muvofiq, tashrifning birinchi kunida Davlat statistika qo'mitasi mas'ul xodimlari O'zbekiston milliy hisoblari joriy amaliyotining umumiy sharhini o'tkazdilar.
Missiya ishi davom etmoqda.
Axborot xizmati