Welcome to Statistika qo'mitasi   Click to listen highlighted text! Welcome to Statistika qo'mitasi Powered By GSpeech

Davlat statistika ishlari dasturiga muvofiq, Davlat statistika qo`mitasi tomonidan 2018 yilning yanvar – iyuni uchun yalpi ichki mahsulotni (keyingi o`rinlarda YaIM) dastlabki baholash amalga oshirildi.

Dastlabki ma`lumotlarga ko`ra, 2018 yilning yanvar – iyunida O`zbekiston Respublikasi YaIM hajmi joriy narxlarda 152 533,4 mlrd. so`mni tashkil etdi va o`tgan yilning mos davri bilan taqqoslaganda 4,9 % ga o`sdi. YaIM deflyatori indeksi 2017 yilning yanvar – iyunidagi narxlarga nisbatan 135,4 foizni tashkil etdi.

Aholi jon boshiga hisoblangan YaIM 4 653 ming so`mni tashkil etdi va bu ko`rsatkich o`tgan yilning mos davriga nisbatan 3,1 % ga yuqoridir.

2018 yilning yanvar – iyunida iqtisodiy faoliyat turlari bo`yicha YaIM ni ishlab chiqarish quyidagi ma`lumotlar bilan ifodalanadi:

Iqtisodiy o`sish sur`ati iqtisodiyotning asosiy tarmoqlarida kuzatilgan ijobiy dinamika bilan bog`liqdir. Iqtisodiyotning barcha tarmoqlarida yaratilgan yalpi qo`shilgan qiymat (keyingi o`rinlarda YaQQ) hajmi YaIM umumiy hajmining 85,5% ini tashkil etdi va 5,0 % ga o`sdi (YaIM mutloq o`sishiga ta`siri 4,4 foiz punktni tashkil etdi). Mahsulotlarga sof soliqlarning YaIM tarkibidagi ulushi 14,5 % ni tashkil etdi va 4,5 % darajasida o`sish qayd etildi (YaIM mutloq o`sishiga ta`siri 0,5 f.p.).

2018 yil yanvar - iyun oylarida YaIM ning
iqtisodiy faoliyat turlari bo`yicha o`sish sur`atlari

YaIM o`sish sur`atiga xizmatlar sohasi eng katta ta`sir ko`rsatdi (1,9 f.p.) va bu soha o`tgan yilning yanvar-iyuniga nisbatan 4,4 % ga o`sdi. Jumladan, savdo, yashash va ovqatlanish bo`yicha xizmatlar 1,7 % ga, tashish va saqlash, axborot va aloqa 5,6 % ga va boshqa xizmatlar 5,0 % ga o`sdi.

Sanoat tarmog`ining qo`shilgan qiymatida 6,1 % lik o`sish qayd etildi. Sanoat ishlab chiqarishining YaIM mutloq o`sish sur`atiga ijobiy ta`siri 1,4 f.p. darajasida baholandi. Sanoat tarmog`idagi ijobiy dinamika tog’ - kon sanoati va ochiq konlarni ishlash tarmog`i qo`shilgan qiymatining 34,3 % ga, ishlab chiqaradigan (qayta ishlash) sanoat tarmog`i qo`shilgan qiymatining 0,9 % ga va boshqa sanoat tarmoqlarining 2,0 % ga o`sishi hisobiga ta`minlandi.

Yanvar - iyun oylarida sanoat tarmog`ining yalpi qo`shilgan qiymati tarkibi

Qurilish ishlari hajmi o`tgan yilning mos davri bilan taqqoslaganda 9,7 % ga o`sdi. YaIM ning mutloq o`sishida qurilish tarmog`ining ijobiy hissasi 0,7 f.p. darajasida baholandi.

2018 yilning yanvar – iyuni yakunlariga ko`ra, qishloq, o`rmon va baliq xo`jaligida ham 2,7 % darajasida ijobiy o`sish sur`ati qayd etildi. Mazkur tarmoqning YaIM mutloq o`sish sur`atiga ta`siri 0,4 f.p. ni tashkil qildi.

Qishloq, o`rmon va baliq xo`jaligining YaIM tarmoqlari bo`yicha tarkibidagi ulushi o`tgan yilning mos davri bilan taqqoslaganda 0,5 f.p. ga kamaydi va 16,7 % ni tashkil qildi.

Sanoatning ulushi 26,1 % dan 30,6 % ga oshdi, qurilish tarmog`ining ulushi esa, o`tgan yilgi darajada saqlanib qoldi va 7,4 % ni tashkil qildi.

Xizmatlar sohasining YaIM tarmoqlari bo`yicha tarkibidagi ulushi 45,3 % ni tashkil etdi va o`tgan yilning mos davri (49,3 %) bilan taqqoslaganda 4,0 f.p. ga kamaydi.

OʻZBEKISTON RESPUBLIKASI PREZIDENTINING FARMONI
OʻZBEKISTON RESPUBLIKASIDA 2022 YILDA AHOLINI ROʻYXATGA OLISHNI OʻTKAZISH KONSEPSIYASINI TASDIQLASH TOʻGʻRISIDA
O`ZBEKISTON RESPUBLIKASI PREZIDENTINING QARORI
DAVLAT BOSHQARUVINING OCHIQLIGI VA SHAFFOFLIGINI TA`MINLASH HAMDA MAMLAKATNING STATISTIKA SALOHIYATINI OSHIRISH YUZASIDAN QO`SHIMCHA CHORA-TADBIRLAR TO`G`RISIDA
PRESS-RELIZLAR
CHORAK NATIJALARI
USLUBIY MATERIALLAR

DIAGRAMMA VA GRAFIKLAR
 
ISTE`MOL NARXLARI INDEKSI KALKULATORI

TADBIRKORLAR UCHUN

Tugmani bosing Tinglash