Welcome to Statistika qo'mitasi   Click to listen highlighted text! Welcome to Statistika qo'mitasi Powered By GSpeech

2018 yil 26 sentyabr kuni G.V.Plexanov nomidagi Rossiya iqtisodiyot universitetining Toshkent shahridagi filialida “Milliy statistika tizimi, islohotlar, natijalar va kelgusidagi vazifalar” mavzusida davra suhbati bo`lib o`tdi.

 Tadbirda, Davlat statistika qo`mitasi, Kadrlarni qayta tayyorlash va statistika tadqiqotlari markazi xodimlari, G.V.Plexanov nomidagi Rossiya iqtisodiyot universitetining Toshkent shahridagi filiali o`qituvchilari va studentlari hamda ommaviy axborot vositalari vakillari ishtirok etdi.

Davra suhbati davomida O`zbekiston Respublikasining xalqaro reytinglarda xolis va to`g`ri baholanishini ta`minlash maqsadida, Davlat statistika qo`mitasi tomonidan xalqaro tashkilotlarning 23 savolnomasi doimiy ravishda to`ldirib kelinayotgani qayd etib o`tildi. Hozirda qo`mita Yevropa iqtisodiy komissiyasi, Xalqaro valyuta jamg`armasi, Jahon banki, Yevropa tiklanish va taraqqiyot banki, Osiyo taraqqiyot banki va boshqa bir qator nufuzli xalqaro tashkilotlar bilan yaqin aloqa o`rnatib, statistika sohasida samarali hamkorlik ishlarini olib bormoqda.

Davra suhbati qatnashchilariga Davlat statistika qo`mitasi boshqarma boshliqlari tomonidan “Milliy statistika tizimi, islohotlar, natijalar va kelgusidagi vazifalar” va “O`zbekiston Respublikasining 2018 yilning yanvar-iyun oylari yakunlari bo`yicha ijtimoiy–iqtisodiy rivojlanishi asosiy ko`rsatkichlari” mavzularida ma`ruzalar qilinib, batafsil tushuntirishlar berildi.

Davra suhbati so`ngida, Davlat statistika qo`mitasining mas`ul xodimlari tadbir ishtirokchilarini qiziqtirgan va boshqa turli savollarga atroflicha javob qaytardi.

Axborot xizmati

  • ASOSIY SAHIFA
  • QO‘MITA HAQIDA
  • AXBOROT XIZMATI
  • INTERAKTIV XIZMATLAR
  • OCHIQ MA’LUMOTLAR
  • MUROJAATLAR
  • KONTAKTLAR
  • Tugmani bosing Tinglash