Статистика агентлиги вакант лавозимларига ёш кадрларни ишга олишда 1- тоифали ҳамда етакчи мутахассис лавозимларига меҳнат стажи талаб қилинмайди.
Давлат статистика қўмитаси томонидан Ўзбекистон Республикаси Президенти Ш. Мирзиёев раҳбарликларида “Давлат хизматини ислоҳ қилиш ва бошқарувда натижадорликни ошириш чора-тадбирлари тўғрисида” 2022 йил 4 август куни кенгайтирилган тарзда ўтказилган видеоселектор йиғилишининг 61-сонли баёнининг 11-банди ижросини таъминлаш бўйича “Ёш мутахассисларни танлаш” намунавий дастури ишлаб чиқилмоқда. Мазкур дастур Олий таълим муассасаларининг битирувчи курсида ўкиётган қобилиятли ёшларни саралаб олиш, уларнинг стажировкасини ташкил этиш ва кейинчалик захирага киритиш буйича комплекс чора-тадбирларни назарда тутади.
-Дастурнинг мақсади - давлат хизматига энг муносиб кадрларни танлаш ва истикболли кадрларни тайёрлашни тизимли юлга қўйиш ҳамда ОТМ битирувчиларини давлат хизматига жалб қилиш самарадорлигини оширишдан иборат.
-Дастурнинг вазифалари: олий таълим муассасалари ҳамда давлат хизмати ўртасида интегратсияни йўлга қўйиш; энг салоҳиятли ва билимли битирувчиларни селексия қилиш; номзодларни стажировка ўташ учун йўналтириш ҳамда “устоз-шогирд анъанаси” асосида тажрибали устоз-менторларга бириктириш; стажировкани муваффақиятли якунлаган битирувчиларни танлов (сухбат) асосида давлат статистика қўмитасига ишга қабул қилишдан иборат.
Вакансия
Лавозим: Аҳоли ва қишлоқ хўжалиги жараёнларини рўйхатга олишни ташкил этиш ва ўтказиш учун мутахассис (вақтинча 6 ойга).
Мутахассис ўзига юклатилган вазифаларни масъулият билан ҳамда самарали бажариши натижасида, ташкилот томонидан уни доимий ишга қабул қилиш масаласи кўриб чиқилиши мумкин.
Ташкилот: Ўзбекистон Республикаси Миллий статистика қўмитасининг ҳудудий статистика бошқармалари (Қорақалпоғистон Республикаси, вилоятлар ва Тошкент шаҳар статистика бошқармалари).
Асос: Ўзбекистон Республикаси Президентининг 2025 йил
19 сентябрдаги “Ўзбекистон Республикасида аҳоли ва қишлоқ хўжалигини рўйхатга олиш тадбирини ўтказиш тўғрисида” ПФ-173-сон Фармони асосида
Вазифалар:
- рўйхатга олиш соҳаси бўйича меъёрий-ҳуқуқий ҳужжатлар, ташкилий
чора-тадбирлар ва Республика комиссияси баёнларини белгиланган муддатларда бажарилишини таъминлайди;
- рўйхатга олиш тадбири юзасидан аҳоли ўртасида тарғибот-ташвиқот ишларини ташкил этади (кўрсатув ва эшиттиришлар ташкил этиш, семинарлар ўтказиш ва бошқалар) ва мазкур маласа юзасидан ҳудудларда амалга оширилаётган ишларни мувофиқлаштириб боради;
- туман ва шаҳарларда рўйхатга олишга тайёргарлик кўриш ва уни ўтказиш жараёнларида ташкил этиладиган Ҳудудий комиссиялар ва штаблар, шунингдек рўйхатга олиш ва ҳисоб участкалари фаолиятини мувофиқлаштириб боради ва уларнинг фаолиятини амалий жиҳатдан қўллаб-қувватлайди;
- ҳудудларда рўйхатга олиш жараёнларига вақтинча жалб этиладиган “Маҳалла еттилиги” ходимлари рўйхатини шакллантириш, янгилаб бориш ва уларни ўқитиш ишларида иштирок этади;
- ҳудудий кадастр органлари томонидан маҳаллаларнинг хариталарини янгилаш, туман ва шаҳарларнинг ташкилий режаларини тузиш ишларини мувофиқлаштириб боради;
- ҳудудларда масъуллар томонидан рўйхатга олиш жараёнларини сифатли ўтказилишини таъминлашда иштирок этади ҳамда рўйхатга олишга оид статистик кўрсаткичларни ишончлилиги, ҳаққонийлиги, тўлиқлиги ва тизимлилигини таъминлайди.
Талаблар ва малакалар:
- олий маълумотга эга бўлиш (иқтисодиёт, статистика, демография, социология, ахборот технологиялари йўналишлари устувор ҳисобланади);
- давлат бошқаруви органлари ва маҳаллий давлат ҳокимияти органларида ишлаш тажрибасига эга бўлиши;
- рўйхатга олиш жараёнлари бўйича миллий меъёрий ҳужжатлар ва йўриқномалар билан ишлай олиши;
- сўровнома ва ҳисобот шакллари билан ишлаш кўникмасига эга бўлиши;
- жамоа билан ишлаш ва аҳоли билан мулоқот қилиш кўникмасига эга бўлиши;
- компьютер дастурлари (Word, Excel) ва асосий ахборот тизимларидан фойдалана олиши;
- ўзбек тилини мукаммал билиши шарт ва рус тилини кундалик иш жараёнида фойдалана олиши керак.
Қўшимча афзалликлар:
- статистика ёки рўйхатга олиш соҳасига оид семинар ва ўқувларда қатнашганлиги;
- замонавий ўқув воситалари (онлайн курслар, интерактив дастурлар)дан фойдаланиш кўникмаси;
- ахборот хавфсизлиги ва шахсий маълумотларни ҳимоя қилиш қоидаларини билиши.
Ишлаш даври: 6 ой - 2025 йил 1 октябрдан – 2026 йил 1 апрелга қадар.
Иш ҳақи: 6 млн сўмдан юқори.
Фақат сараланган номзодлар билан боғланилади.
Номзодларнинг резюмеси қуйидаги электрон почта манзилларига юборилиши мумкин:
Ця електронна адреса захищена від спам-ботів. Вам необхідно увімкнути JavaScript, щоб побачити її.
Ця електронна адреса захищена від спам-ботів. Вам необхідно увімкнути JavaScript, щоб побачити її.
Биз билан боғланиш
Суҳбат жараёнини онлайн кузатиш