Миллий статистика қўмитаси Касаба уюшмаси раиси Шералиев Нурбек Абдухалилович Телефон: (71) 203-80-00 (ички рақам 14-00)

Қўмитамиз фаолиятининг устувор йўналишларидан бири — ходимлар, айниқса касаба уюшмаси аъзоларининг ҳуқуқ ва манфаатларини ҳимоя қилиш, улар учун қулай, хавфсиз ва замонавий меҳнат шароитларини яратишдир. Бу борада изчил ва тизимли ишлар амалга оширилмоқда.

Ходимларнинг бўш вақтини мазмунли ташкил этиш ва интеллектуал салоҳиятини ривожлантириш мақсадида замонавий кутубхона фаолият юритмоқда. Унда турли соҳаларга оид адабиётлар жамланган бўлиб, фонд мунтазам янгиланади. Бу эса китобхонлик маданиятини оширишга хизмат қилмоқда.

Қўмитанинг бой тарихини эътироф этиш ва авлодлар давомийлигини таъминлаш мақсадида фидокорона меҳнат қилган устозлар хотирасига бағишланган музей ташкил этилган. Музейда тарихий экспонатлар, ҳужжатлар ва фотосуратлар жамланиб, ходимларда фахр ва садоқат туйғусини мустаҳкамлаб бормоқда.

Ходимлар саломатлиги доимий эътибор марказида. Қўмита ҳузуридаги тиббий пунктда бирламчи хизматлар кўрсатилмоқда. Зарур ҳолларда касаба уюшмаси кўмагида чуқурлаштирилган тиббий кўриклар ҳам ташкил этилмоқда.

Меҳнат самарадорлигини ошириш мақсадида иш жойлари замонавий техника ва технологиялар билан тўлиқ жиҳозланган. Бу ходимларга ўз вазифаларини сифатли ва самарали бажаришга имкон бермоқда.

Яратилган ушбу шарт-шароитлар қўмита жамоасининг фаровонлигини таъминлаш, меҳнатга бўлган қизиқишни ошириш ва соғлом иш муҳитини шакллантиришга хизмат қилмоқда. Буларнинг барчаси ижтимоий шериклик тамойилларига таянган ҳолда ходимларнинг ижтимоий-иқтисодий ҳимоясини кучайтиришга йўналтирилган.

Қўмитамиз ўз ходимлари учун замонавий ва қулай меҳнат шароитларини яратишга алоҳида эътибор қаратмоқда. Ходимларнинг соғлиғи ва жисмоний чиниқишини таъминлаш мақсадида замонавий спорт зали ташкил этилган бўлиб, у барча керакли тренажёр ва спорт анжомлари билан жиҳозланган. Ҳар бир ходим ўз саломатлигини мустаҳкамлаш учун ушбу шароитлардан эркин фойдаланиш имкониятига эга.

Шу билан бирга, ходимлар ўзлари билан олиб келган таомларни қулай ва гигиеник шароитларда истеъмол қилиши учун замонавий ошхоналар фаолият юритмоқда. Ошхоналар барча зарур техник воситалар — микротўлқинли печлар, совуткичлар, сув иситгичлар ва бошқа замонавий жиҳозлар билан таъминланган.

Биз ўз жамоамиз фаровонлигини устувор вазифа деб биламиз ва ходимларимиз учун энг яхши шароитларни яратиш орқали уларнинг профессионал ривожланиши ва иш самарадорлигини яна-да оширишга интиламиз.