Жорий йилнинг 7-март куни Ўзбекистон Республикаси Президенти ҳузуридаги Статистика агентлигида Маънавият ва маърифат кенгаши ва Касаба уюшма қўмитаси томонидан 8-март – Халқаро хотин-қизлар куни муносабати билан аёллар учун байрам тадбири ташкил этилди.
Статистика агентли директори Бегалов Баҳодир Абдусаломович дилбар опа-сингилларни 8-март байрами билан самимий муборакбод этди. Аёлларнинг жамиятдаги ўрнини янада юксалтириш ва мустаҳкамлаш, уларнинг ижтимоий ҳимоясини кучайтириш борасида давлатимиз томонидан юксак эътибор қаратилаётганлигини таъкидлаб ўтди.
Статистика агентлиги тизимида ўзининг бор куч-салоҳияти, билим ва тажрибасини аямай фидокорона меҳнат қилиб, соҳа ривожланишига муносиб ҳисса қўшаётган бир гуруҳ хотин-қизларга фахрий ёрлиқ ва эсдалик совгъалари берилди.
Шундан сўнг, азиз аёллар учун байрам тадбири ташкил этилди. Куй-қўшиқлар опа-сингилларимиз кайфиятини янада кўтарди.
Гўзал ва бетакрор, севги-муҳаббат ва садоқат тимсоли бўлган аёлларга сиҳат-саломатлик, баҳорий кайфият, бахт-саодат, хонадонларида тинчлик-хотиржамлик, файзу барака доимий ҳамроҳ бўлсин!
Барча эзгу орзу-ниятларингиз амалга ошсин азиз аёллар, қадрли опа-сингиллар!
Самимий ва чексиз ҳурмат ила, Статистика агентлиги жамоаси