Ўзбекистон Республикаси Давлат статистика қўмитасида 1-октабр – Ўқитувчи ва мураббийлар куни муносабати билан тизимда кўп йиллардан буён меҳнат қилиб келаётган ходимлар ҳамда Кадрлар малакасини ошириш ва статистик тадқиқотлар институти устоз-мураббийлари шарафига байрам тадбири бўлиб ўтди.
Унда қўмита Раиси ва марказий аппарат ходимлари ҳамда Кадрлар малакасини ошириш ва статистик тадқиқотлар институти устоз-мураббийлари иштирок этди.
Тадбирни қўмита Раиси Бегалов Баҳодир Абдусаломович очиб бериб, 1-октабр – Ўқитувчи ва мураббийлар куни билан юртимиздаги барча меҳрибон, заҳматкаш ва фидойи устозларни, статистика тизимида кўп йиллардан буён меҳнат қилиб келаётган ходимлар ҳамда Кадрлар малакасини ошириш ва статистик тадқиқотлар институти устоз-мураббийларини касб байрами билан самимий муборакбод этди.
Тадбир якунида статистика тизимида кўп йиллардан буён меҳнат қилиб келаётган ходимлар ҳамда Кадрлар малакасини ошириш ва статистик тадқиқотлар институти устоз-мураббийларига эсдалик совғалари берилди.
Мазкур байрам муносабати билан Ўзбекистон Республикаси Давлат статистика қўмитаси юртимиздаги барча устоз ва мураббийларга мустаҳкам соғлик, ижодий муваффақият ва улкан парвозлар тилаб, самимий муборакбод этади.
Шогирдлар камолини кўриш бахти барчангизга насиб этсин! Умрингиз узоқ, ҳаёт йўлингиз қувончу шодликларга лиммо-лим бўлсин, азиз устозлар!
Самимий ва чуқур ҳурмат ила,
Давлат статистика қўмитаси Ахборот хизмати