Jon Milton

Mukammallik chegara bilmaydi.

Shamsi Tabriziy

Sevmaganga chumoli ham yuk, sevganga fillar ham chumolidek gap. Agar inson oshiq boʻlsa va ishonsa togʻni ham yelkasida tashiy oladi.

Firdavsiy

Oʻz yovin parvarish qilgan odam xom, Jahonda chiqarar axmoq degan nom.

Jaloliddin Rumiy

Hoʻkizga hech qachon oldi tarafidan yaqinlashma. Eshakka hech qachon orqa tarafidan yaqinlashma. Ahmoqqa esa hech qaysi tarafidan yaqinlashma.

Tagor

Biz odamni nimani bilishiga qarab emas, nimadan quvonishiga qarab anglaymiz.

Alisher Navoiy

Yoʻl yamonu yaxshisidan yema gʻam, Bismilloh, degilu qoʻygʻil qadam.

Albert Enshteyn

Buyuk shaxslar goʻzal nutqlar vositasida emas, oʻz mehnatlari va ularning natijalari orqali shakllanadi.

Jeyms Joys (jahon adiblari haqida)

Onore de Balzakning dongʻi va mahorati oʻquvchini ushlab turadi, deb oʻylayman.

Jak Iv Kusto

Haqiqiy boylik – hayotning oʻzi va qizgʻin faoliyatdir

Gʻaybulloh as-Salom

Begona tilning grammatikasi avaxtasiga tushgan fikr oʻzining har qanday maʼnosidan mahrum boʻlibgina qolmaydi, balki oʻquvchini kalom tuygʻusidan bezdiradi, soʻzning taʼsirchanlik, safarbarlik kuchini qirqadi… Soʻz oʻzining soʻzligidan mahrum boʻlib, his-tuygʻusiz shartli tamgʻaga aylanadi.

Erkin Vohidov

Adabiyot hamisha maʼnaviyatning oldingi qatorida borgan va shunday boʻlishi kerak.

Abdurahmon Jomiy

Bir shoir oʻqidi bemaza gʻazal, Dedikim, alifsiz yozdim, bu aʼlo. Dedimki, eng yuksak sanʼat boʻlurdi, Sheʼring soʻzlari ham boʻlmasa aslo.

Lui Aragon

Odam nimadan hayratlansa, oʻshani koʻngliga yaqin oladi.

Somerset MOEM

Hayot u haqda yozish uchun emas, balki uni yashab oʻtish uchun berilganini men yoddan chiqarmaslikka harakat qildim. Tabiat menga nimani ravo koʻrgan boʻlsa, barchasini sinab koʻrishga urindim. Ijodga esa, oʻzimning birdan-bir maqsadim deb emas, insoniyatga xos boshqa faoliyat turlari bilan uygʻunlikda olib boriladigan bir soha sifatida qaradim.

Jaloliddin Rumiy

Najib Fozil kemada kitob oʻqib ketayotgan ekan. Muxlislaridan biri yaqinlashib: — Ustoz, dunyoga paygʻambar yuborishning nima keragi bor edi? Alloh aql berib qoʻyibdi, yoʻlimizni oʻzimiz ham topib olardik, — debdi. Najib Fozil kitobdan bosh koʻtarmay javob beribdi: — Kemaning nima keragi bor. Dengizdan oʻzing suzib oʻtaver!..

Gao Sinszyan

Inson qoʻlidagi turli-tuman qurol-yaroq, asbob-uskunalar orasida eng gʻaroyibi, shubhasiz, kitob sanaladi. Qolganlarini uning jismoniy davomi, deyish mumkin. Mikroskop va teleskop — koʻzning davomi, telefon — ovozning, omoch va qilich — qoʻlning. Biroq kitob — butunlay boshqa narsa, kitoblar — xotiralar va tasavvurlarning davomidir.

Sal Melamed

Oʻz shajarang bilan faxrlanarkansan, avlodingni ham shunday imkoniyatdan mahrum qilma.

Emil Krotkiy

Hayot – maktab, ammo uni tugatishga oshiqmaslik kerak.

Don Aminado

Yashash uchun hech qanday natija bermaydigan kurash gʻoyaviy kurashdir.

Ilya Ilf

Hozircha bironta yoʻlovchi avtomashinani bosib ketgani yoʻq, ammo shunga qaramay negadir mashina egalari norozi.

Li Shan In

Aqlli boʻlib koʻrinish gʻalatidir, chunki: – sheʼriyatni tushunadigan ayol gʻiybatlarga sabab boʻladi; – sharob chashnagiri boʻlgan buddaviy rohib ichgan qasamini buzib qoʻyadi; – oʻqish-yozishni biladigan, savodxon xizmatkor xato qilib, xoʻjayinidan gap eshitadi.

Frans Kafka

Taraqqiyotga ishonish taraqqiyotga erishilganiga ishonish degani emas. Yoʻqsa bu ishonch deb atalmagan boʻlur edi.

Lev Tolstoy

Bir oʻzing yakunlashing mumkin boʻlgan ishga yordamchi talab qilma.

Don Aminado

Oxirigacha aytilmagan fikrgina eslab qolishga arziydi.

Konfutsiy

Har bir hilqatning oʻz goʻzalligi bor, biroq har kim ham uni koʻra olmaydi.

Albert Enshteyn

Men hamisha shunday fikrdaman: mening ichki va tashqi hayotim olamdan oʻtib ketgan va hozir tirik boʻlgan boshqa odamlarning fikrlari, ishlariga asoslangan. Men ulardan olgan va olayotgan darajada oʻzimdan maʼnaviy meros qoldirishim kerak.

Jeyms Joys (jahon adiblari haqida)

Fransuz adibi Floberdan keyin Tolstoy, Yakobson va DʻAnnunsio yaxshi romanlar yozdi.

Alisher Navoiy

Boʻlmasa ishq, ikki jahon boʻlmasin, Ikki jahon demaki, jon boʻlmasin

Gʻaybulloh as-Salom

Ilmiy kitobni insoniy tilga “oʻgirilsa”, butun maʼnosi va taʼsiri yoʻqoladi. Ilm boʻlmay qoladi. Vassalom.

Konfutsiy

Oliyjanob odam xavfsizlikda ham xatarni, toʻqlikda ham yoʻqlikni unutmaydi. Tartib hukm surgan paytda tartibsizliklar boʻlishini nazardan qochirmaydi. Bunday odam zinhor xavf ostida qolmaydi, demakki, uning vatani ham, xalqi ham bexatar.

Albert Enshteyn

Tabiatga yaxshilab nazar soling, shunda koʻp narsalarni chuqurroq anglaysiz.

Rimliklar hikmati

Ezgu shuhrat boylikdan afzal.

Amir Temur

Davlat ishlarining toʻqqiz ulushi kengash, tadbir va mashvarat, qolgan bir ulushi esa qilich bilan bajo keltirilur.

Jak Iv Kusto

Qanchalik keng boʻlmasin, biror-bir akvarium, biror-bir sunʼiy suv havzasi dengizdagi tabiiy sharoitni yarata olmaydi.

Fridrix Shiller

Odam maqsadlari kattargani sari ulgʻayib boradi.

Mavlono Jaloliddin Rumiy

Nasriddin Xoʻjadan soʻradilar:-Xoʻjam! Shu, dunyo necha chaqirim kelarkin? Shu asno yonlaridan tobut koʻtarib oʻtdilar. Nasriddin Xoʻja tobut tomonga ishorat qildi: -Ana undan soʻranglar, oʻlchash ishini bitirib qaytyapti!..

Tohir Malik

Ehtiroslar—kemalarning yelkanlarini toʻldiradigan shamol. Baʼzan u kemalarni choʻktiradi, lekin yelkansiz kemalar ucholmaydi. Safro insonni gʻam va kasal qiladi, ammo safrosiz u yashay olmaydi. Bu dunyoda hamma narsa zarur va hamma narsa xavfli.

Shamsi Tabriziy

Qalbingni kin va hasad ila kirlatma. Chunki ularni yuvib ketkazolmaysan

Firdavsiy

Gapirmagan gaping ichingda nihon, Har tomon yoyilar aytganing zamon.

Tagor

Kuchini koʻrsataveradigan odam kuchsizligini isbotlaydi, xolos

Lev Tolstoy

Hammani birday yaxshi koʻr, bu muhabbatdan oʻzing ham chetda qolma.

Li Shan-In

Agar hamma ishning qalovini topsang; goʻzal narsani koʻrib, shunga oʻxshashga harakat qilsang; huda-behudaga qarz koʻtaravermasang; uydagi ayollar ahil boʻlsa, albatta, boyib ketasan.

Frans Kafka

Dunyoda qanday qilib shodlanish mumkin? Basharti faqat sen uning ichiga qochib kirsang.

Don Aminado

Afsonaviy hayot uchun ham oʻlimdan boshqa yakunni oʻylab topib boʻlmaydi.

Konfutsiy

Kimki isrofni bilmasa, azobni bilur.

Alisher Navoiy

Agar qilmadi el himoyat senga, O’zingdin kerakdir shikoyat senga.

Jeyms Joys

Aristotel mening nazdimda, hamma zamonlarning eng buyuk mutafakkiri. Uning asarlarida hamma narsaga aniq va oddiy ta’rif beriladi. Keyinchalik esa uning fikrlari asosida tom-tom kitoblar yozildi.

Albert Enshteyn

Bizning dunyoimiz yashash uchun xavfli joy. Ayrimlar yomonlik qilayotgani uchun emas, qolgan barcha buni jim kuzatib turgani uchun.

G’aybulloh as-Salom.

Tilning g‘aribligi — tafakkurning qashshoqligidan.

Konfutsiy

Jarohatlarni unut, lek zinhor yaxshilikni yodingdan chiqarma.

Fridrix Shiller

Vaqtni qoʻlingda tut! Har bir soat, har bir daqiqani asra. Nazorat qilmasang, kaltakesakday sirgʻalib qochib ketadi. Har bir lahzani halol va munosib amallar bilan beza! Vaqtga salmoq, mazmun va nur bagʻishla.

Rimliklar hikmati

Dengizni ichib (qoʻldan kelmas ishni bajarib) boʻlmaydi.

Amir Temur

Yaxshilarga yaxshilik qildim, yomonlarni esa oʻz yomonliklariga topshirdim. Kim menga doʻstlik qilgan boʻlsa, doʻstligi qadrini unutmadim va unga muruvvat, ehson, izzatu ikrom koʻrsatdim.

Jak Iv Kusto

Odam ahmoqlik qilishni istaganidagina aqlidan foydalana boshlaydi.

Tomas Mann

Sanʼat insonning ezgulikka, haqiqatga, komillikka yetaklaydigan gʻayriixtiyoriy va azaliy intilishining eng goʻzal, eng qatʼiy, eng quvonchli va ezgu timsolidir.

Rumiy

Boyazid Bistomiy hazratlaridan: -Siz suv ustida yurar emishsiz. Qanday qilasiz? – deb soʻradilar. -Bir quruq yogʻoch ham suvda yuradi. Biz yogʻochcha boʻlmadikmi?!

Shamsi Tabriziy

Koʻlmak yelvizakda ham chayqalaveradi. Ummonlarning toʻlqini muhabbatning mahobatidandir. Angladimki, teran va asrorangiz boʻlgan narsalar sokin boʻladi. Angladimki, sokin boʻlgan nasalar teran va haybatli boʻladi.

Firdavsiy

Gapirmagan gaping ichingda nihon, Har tomon yoyilar aytganing zamon.

Fridrix Shiller

Pessimizm qalb alkogolizmining bir koʻrinishidir.

Tomas Mann

Bizning qoʻrquvimiz – dushmanlarimiz mardligining manbasidir.

Sal Melamed

Oliyjanoblik va yumorni sarf qilmasdan turib saqlab boʻlmaydi.

Ilya Ilf

Yolgʻonchilar musobaqasida toʻgʻri gapni aytgan odam birinchi oʻrinni oldi.

Don Aminado

Oʻn barobar boyib ketsangda, hayot tarzingni oʻzgartirma.

Lev Tolstoy

Oʻn barobar boyib ketsangda, hayot tarzingni oʻzgartirma.

Frans Kafka

Kimki dunyoda oʻz yaqinini sevsa, bu dunyoda faqat oʻzinigina sevadigan odamga qaraganda katta ham, kichkina ham boʻlmagan adolatsizlikka yoʻl qoʻyadi. Faqat bir savol qoladi: birinchisi mumkinmikan?

Alisher Navoiy.

Menga ne yoru ne oshiq havasdur, Agar men odam ersam, ushbu basdur.

Albert Enshteyn

Shuhratim oshgani sari siyqalanib boryapman. Afsuski, bu – juda keng tarqalgan holat.

Gʻaybulloh as-Salom.

Koʻp tilshunos olimlarimizning bisoti — tili sanoqli atamalar majmuasidan iborat. Shu bisotdan tashqarida ular — yoʻq.

Konfutsiy

Oliyjanob odamning izlagani – oʻzi, pastkashning qidirgani esa oʻzgalar.

Frans Kafka

Haqiqiy dushman oldida senda cheksiz mardlik paydo boʻladi.

Tomas Man

Azob-uqubat koʻrmagan odam bir umr yosh bola boʻlib qolaveradi.

Uolt Disney

Agar sen biror narsani oʻylab topa olsang, uni bajarishga ham qodirsan.

Jak Iv Kusto

Haqiqiy boylik – hayotning oʻzi va qizgʻin faoliyatdir.

Filip Chesterfild

Barcha sanʼatlar kishidan uzoq mashqni, oʻz ustida muntazam ishlashni talab qilsa, yoqimtoy boʻlish sanʼati faqat bir narsani — xohishni talab qiladi.

Rimliklar

Azob aybsizlarni ham aybliman deyishga majburlaydi.

Tomas Man

Faqat oʻlimgina azob-uqubatlarni hurmatlashga oʻrgata oladi.

Jaloliddin Rumiy

Yo asling kabi koʻrin, yo koʻringaning kabi boʻl.

Tagor

Iztirob hayotdagi barcha qadrli narsalar: kuch-quvvat, aql-farosat, muhabbat uchun toʻlovdir.

Fridrix Shiller

Zulmni murosasiz yomon koʻradigan kishigina ezgulikni cheksiz sevishi mumkin.

Firdavsiy

Aql ulugʻlikka etadi payvand, Aqlsizning doim oyogʻida band.

Jaloliddin Rumiy

Toʻrtta narsa toʻrt narsaga olib boradi: 1) Jim turish salomat boʻlishga. 2) Yaxshilik qilish ulugʻ boʻlishga. 3) Saxovat koʻrsatish ustun boʻlishga. 4) Shukr qilish ziyoda boʻlishga.

Onore de Balzak

Buyuk kishilar hech qachon maddohlik qilmaydilar. Xushomad — mayda odamlarning ishi, ular oʻzlari havas qilgan atoqli shaxslarning hayotiy muhitiga kirib olish uchun yana ham maydalashishga tayyor kimsalardir.

Konfutsiy

Qadimda kam soʻylashardi, oʻz soʻzlarining ortidan yetolmay qolishdan qoʻrqishardi.

Tagor

Hatto qaroqchilar toʻdasi ham qandaydir axloq talablariga rioya etishi kerak; ular butun dunyoni talashlari mumkin, lekin bir-birlarini emas.

Fridrix Shiller

Iroda inson bolasining oʻziga xos sifatidir, aql esa irodani boshqarish uchun oʻzgarmas qoidadir.

Jak Brel

Shoir bizni yurak yutib botinimizga — ruhiyatimiz qaʼriga nazar solishga va unda siyratimizni oʻzimiz tasavvur etgandek emas, balki aslida oʻzimizning kim ekanimizni aniq koʻrishga daʼvat etadi.

Jak Prever

Baxtsizlik bir oʻzi kelmaydi, uning ortidan quvonch koʻrinish beradi.

Virjiniya Vulf

Garchi asrlar mobaynida turli-tuman mexanizmlar yasashni oʻrganib olgan boʻlsak-da, ammo adabiyot qanday yaratilishini tushunib yetganimizga shubham bor.

Viktor Gyugo

Zakovatli insonni hayotga buyuk ehtiromidan ham tanib olsa boʻladi.

Dmitriy Lixachyov

Jeyms Joys adabiy hodisa, endi u takrorlanmaydi, u mutlaqo benazir. Joysning maktabi boʻlmasligi mumkin, biroq uning jahon madaniyati va adabiyotidagi mavqei beqiyos.

Goratsiy

Isteʼdodli shoir olomonni qoyil qilish uchun urinmagani maʼqul.

Seneka

Buyuk adiblar, allomalar, shoirlarning asarlari faqat chiroyli soʻzlari, tilining jozibaliligi bilangina emas, balki mardona ruhi bilan goʻzal va qimmatlidir. Ulugʻ adiblar asarlaridagi maʼnolarni bir oʻqishda ilgʻab olish mushkul, buning uchun ularning ijodini chuqur oʻrganish lozim boʻladi.

Gao Sinszyan

Adabiyotni bizning ichki his-tuygʻularimizning amalga oshishiga boʻlgan ehtiyojimiz paydo qiladi. Kitob jamiyatga taʼsir koʻrsatadimi, yoʻqmi — bu boshqa masala, bu savolning javobi uning muallifiga mutlaqo bogʻliq emas.

Giyom Apolliner

Tabiatdan, xuddi fotograflardek, nusxa koʻchirmaslik kerak. Odam yurishga taqlid qilishni oʻylab gʻildirakni kashf etdi. Bu bilan u, oʻzi bilmagan holda, syurrealistik harakatni amalga oshirdi.

Aflotun

Mard yoki qoʻrqoq odamning harakatlari va qoʻshiqlariga kelsak, adolat yuzasidan shuni tan olib aytish joizki, mardlarda ular goʻzal va jozibali, qoʻrqoqlarda esa xunuk va jirkanchlidir.

Sal Melamed

Kattalar ertakni haqiqatga, bolalar esa aksincha – haqiqatni ertakka aylantiradilar.

Viktor Tomilov

Yerning tortish kuchi hamma joyda bir tekisda emas: mansab orom kursilarida u sezilarli darajada kuchliroq.

Mark Tven

Muhabbat umrda bir marta keladi. Yoqtirish esa, bir necha marta. Sen bularning orasini aralashtirma, tagʻin nadomat qilib yurmagin.

Ernest Xeminguey

Faqat oʻzing yaxshi oʻrgangan, yaxshi biladigan narsalar haqida yozish, yozganda ham samimiy va rost yozish kerak; tasvirlangan holat inson qalbini oʻrtab yuborsin, voqelikni baholashga yordam bersin, oʻquvchi boshidan kechirgan voqelikning bir qismiga aylanib qolsin.

Arastu

Tarixchi olim bilan shoir oʻz asarlarini biri vaznsiz, ikkinchisi vaznga solib yozishi tufayligina bir-biridan farqlanmaydi. Agar Gerodotning asarlari sheʼriy vaznga solib yozib chiqilsa ham baribir tarixiy asarligicha qoladi.

Sal Melamed

Hayotdan hamma narsani olgach, uni qashshoqlikda ayblama.

Emil Krotkiy

Har xil usulda suzadilar, bir xil usulda choʻkadilar.

Ilya Ilf

Soʻz bilan xafa qilish, lugʻat bilan esa mayib qilish mumkin.

Lyev Tolstoy

Bor narsalarga qanoat qil.

Don Aminado

Chinakam doʻstlik izhori dil uchun emas, tinglash uchundir.

Konfutsiy

Oliy odam uch holatda oʻzini saqlay oladi: yoshlikda hirsdan, kuchga toʻlganda janjaldan, keksalikda ochkoʻzlikdan.

Frans Kafka

Hissiyot olamidan tashqaridagi barcha narsalarni til faqat ishora qilish bilangina izhor eta oladi, ammo unga eng yaqin boʻlgan ifodani ayta olmaydi, chunki til hissiyot olamiga muvofiq holda faqat bor boʻlgan moddiyatlar va ular bilan bogʻliqlarnigina taʼrif eta oladi.

Li Shan-In

Qizingni ayollar bajaradigan ishlarga; muloyimlik va hurmat-ehtiromga; oʻqish va hisob-kitobga; ehtiyotkorlikka; oʻziga qarab yurishga (ozodalikka); gʻiybatga berilmaslikka; xizmatkorlarni hurmat qilishga oʻrgat.

Lyev Tolstoy

Iloji boricha kam uxla.

Don Aminado

Senga umrboqiylik haqida gapirishayotganda soatingga qarayverma.

Alisher Navoiy

Meni men istagan oʻz suhbatigʻa arjumand etmas, Meni istar kishining suhbatin koʻnglum pisand etmas.

Gʻaybulloh as-Salom

Odamlarni hech qachon rosmana kitobiy tilda gapirishga undash kerak emas. Busiz ham hammayoqda — “sidirgʻavozlik”. Har kim oʻz tilida “chugʻurlashsin”. Bir xil qiroat, jonni oʻrtaguvchi bir xil “toat-ibodat” jonga tegdi… Juda! Majlisda, darsda, uyda, hatto toʻy-hasham, maʼrakada — chuchmal gaplar, yolgʻon-yashiq uydirmalar… Qachongacha!

Konfutsiy

Fikrlamay ilm olmoq – behudalik; bilim bilan sugʻorilmagan tafakkur esa xatardir.

Jyeyms Joys

“Yozuvchi boʻlishdan avval oʻquvchi boʻlish kerak”. Bu – aksioma. Zero, Abdulla Qodiriy taʼkidlaganidek, “Yozuvchi birovni takrorlab qoʻymaslik uchun ham oʻqishi kerak”. Agar tarixga nazar tashlansa, koʻplab buyuk adiblar mutolaa orqali mahoratini oshirganini koʻrish mumkin. Jumladan, men ham.

Albert Enshteyn

Bizni ezgu oʻy va amallarga yoʻllovchi yagona vosita – buyuk va maʼnaviy pokiza insonlar timsolidir. Odamga biror narsani oʻrgatishning yagona oqilona yoʻli – misol keltirishdir.

Jorj Eliot

Oʻzingiz orzu qilgan kishi boʻlishingiz uchun hech qachon kech emas.

Ovidiy

Bekorchining tanasi qanday zaiflashayotganiga, suvi harakatsiz koʻlning sasiyotganiga boq.

Charli chaplin

Men siyqasi chiqqan mavzudan qoʻrqmayman. Hayotning oʻzi toʻlasicha siyqalik. Axir har birimiz yashaymiz va oʻlamiz, bir kunda uch mahal ovqatlanamiz, sevamiz va sevmay qoʻyamiz.

Jak Iv Kusto

Imkonsiz tuyulgan ishlarni uddalashni muvaffaqiyat deyish mumkin.

Albert Enshteyn

Tasavvur bilimdan koʻra koʻproq ahamiyatga ega. Bilim biz hozir biladigan va tushunadigan narsalargagina tayanadi. Tasavvur esa butun olamni va biz qachonlardir tushunadigan, bilib oladigan narsalarni ham qamraydi.

Amir Temur

Har mamlakatda adolat eshigini ochdim, zulmu sitam yoʻlini toʻsdim.

Filip Chesterfild

Oʻrtamiyona damduz boʻlish, yaʼni sir saqlay bilish — irodali kishi fazilatidir. Ruhan baquvvat kishi, ortiqcha sir-sinoatga berilmaydi.

Erkin Vohidov

Adabiyotga sadoqat va eʼtiqod masalasi avvalo soʻz sanʼatining kelajagi toʻgʻrisida qaygʻurishdan boshlanadi.

Tomas Mann

Agar biror fikr butun vujudingni qamrab olgan boʻlsa, u seni har qadamda taʼqib etadi, hatto havoda ham uning hidini sezasan.

Rimliklar hikmati

Tejamkorlik xasislik degani emas.

Musyakodzi Saneasu

Ishonchim komilki, go‘zallik sirini kashf etish nasib qilganda, tabiatning irodasini anglash imkoni tug‘ilganda — ana shunda yashashdan maqsad ham to‘la oydinlashadi.

Mahmud az-Zamahshariy

Haqiqat va adolat bilan to‘g‘ri siyosat yurgizmagan har bir rahbar va boshliq qattiq azob-uqubat va baloga giriftor bo‘lur.

Tomas Mann

Orzular ushalganda eng yaxshi narsalar ortda qoladi.

Fridrix Shiller

Oʻz topqirligidan zavqlanib kulgan kishining askiyasi kuchini yoʻqotadi.

Firdavsiy

Oʻzining aybini bilganda odam,Boshqalar aybini soʻzlamasdi ham.

Erkin Vohidov

Insonga bir marta beriladigan hayotda u umridan, oʻtgan kunidan qoniqib yashashi kerak. Vijdoniga xilof ish qilmay yashasa – bundan ulugʻ baxt yoʻq. Har bir aytgan soʻzing, ishing oʻzingning xohishingga muvofiq boʻlsa – eng katta baxt shu.

Jaloliddin Rumiy

Bir kishi Hasan Basriy (q.s.) hazratlarining oldilariga kelib: “Falonchi sening haqqingda falonday pistonday nomaʼqul gaplarni gapirdi”, debdi. -Qachon? -Bugun. -Qaerda? -Uyida. -Uning uyida nima qilayotgan eding? -Ziyofatga boruvdim. -Ziyofatda nima yeding? Xaligi kishi sakkiz xil taomning nomini sanadi. Shunda Hasan Basriy (q.s.): -Oʻsha odamning sakkiz xil taomi qorningga sigʻdiyu bir ogʻiz soʻzi sigʻmadimi? Tur, ket bu yerdan! – dedilar va gʻiybatchini dargohlaridan quvib chiqardilar.

Tohir Malik

Choʻqqiga chiqayotgan odam yiqilishni niyat qilmaydiku, kurashdingmi yengishing shart.

Shamsi Tabriziy

Soʻzlar haqiqat emas, bor yoʻgʻi ogʻizdan chiqqan tovushlardir. Haqiqatni anglamoq uchun yashamoqqa ehtiyoj bor.

Firdavsiy

Oʻzgaga qilgan muruvvatingni doʻstga ham, dushmanga ham maqtanma.

Li Shan In

Oʻgʻlingni oʻrgat: bobolarning yaxshi ishlariga; soʻz berdimi – bajarishga; halollik va hayolilikka; olti sanʼat turini mukammal bilishga; dunyoga keng qarashga; sobit irodali boʻlishga; bir ishga kirishar boʻlsa, obdon oʻrganishga.

Frans Kafka

Haqiqat yoʻli yerning ustidan biroz balandlikda tortilgan arqon boʻylab oʻtadi. U unda yurishdan koʻra koʻproq u toʻgʻrida xayol surishga moʻljallanganga oʻxshaydi.

Lev Tolstoy

Oʻzing uchun iloji boricha koʻp mashgʻulot oʻylab top.

Don Aminado

Oʻzingdan ketganingda qaytib kelishni unutma.

Konfutsiy

Oliy odamning nutqi sokin, harakati joʻshqin boʻlur.

Dmitriy Pisarev

Bekorchilikdan aqliy va jismoniy lanjlik kelib chiqadi.

Fyodor Dostoyevskiy

Odamni barbod qilish uchun koʻp narsa kerak emas, shunchaki u qilayotgan ish hech kimga kerak emasligiga uni ishontirish kerak, xolos.

Jak Iv Kusto

Agar mantiqqa bogʻlanib qolganimizda, kelajak bizga afsus-nadomatlar olib kelardi. Mantiqdan muhimroq narsalar bor. Biz odamlarmiz. Eʼtiqod va umidga egamiz, mehnat qila olamiz.

Albert enshteyn

Agar bolalaringiz aqlli boʻlishini istasangiz, ularga ertaklar oʻqib bering. Agar yanada aqlliroq boʻlishlarini xohlasangiz, undanda koʻproq ertak oʻqib bering.

Konfutsiy

Kimki nokamtarlik bilan yolgʻon soʻzlar ekan, uning jimjimador soʻzlari faqat va faqat musibat keltiradi.

Tomas Man

Shoir ijodiy toʻqimalari sabab emas, ilohiy iqtidor tufayli dunyoga keladi.

Amir Temur

Hech kimga gʻazab bilan qattiq muomala qilmadim va hech bir ishda tanglik qilmadim, toki Tangri taoloning gʻazabiga duchor boʻlmayin va ishimni buzib, holimni tang aylamasin deb.

Tagor

Baxt oʻzini tiya oladigan odamlarga nasib etadi. Orzularing amalga oshishini istasang, ularni tiyib tura bil.

Fridrix Shiller

Minnatdorlik eng tez unutiladigan narsadir

Rimliklar hikmatli soʻzlari

Yillar hamma narsani, hatto xotirani ham olib ketadi

Tagor

Yaxshi gaplarni koʻpchilik gapirishi mumkin, lekin tinglay oladiganlar kam, sababi, u aqlning kuchini talab etadi.

Fridrix Shiller

Ishni tezroq tugallash harakatida boʻl.

Rimliklar hikmatli soʻzlari

Indamas itdan, tinch oqar suvdan qoʻrq.

Amir Temur

Qilmoqchi boʻlgan ishlarini qilmasdan qoldirmasinlar. Agar biror ishni qilmaslikka soʻz berar ekanlar, yaqiniga ham yoʻlamasinlar. Xotirdan chiqmasinkim, Tangri taolo jasur kishilarni ardoqlaydi.

Muhammad Ali

Odam mashgʻulot zallarida chempion boʻlmaydi. Chempion boʻlish uchun ishni ruhiyatdan boshlash kerak – istak, orzu va oʻz gʻalabasini aniq-tiniq his qilishgina kishini maqsadiga eltadi.

Umar ibn Horis

Qadimda ezgu ishlarni koʻp qilishardi, lekin gapirishmasdi. Keyin ham qiladigan, ham gapiradiganlar keldi. Endi esa faqat gapirishmoqda.

Firdavsiy

Birovga sogʻinsa har kim yomonlik, Nihoyat ul oʻzi topmas omonlik.

Shamsi Tabriziy

Hammasi qalbingga bogʻliq: qalbingni oʻzgartir, dunyoing ham oʻzgarsin.

Jon Milton

Kishi oʻziga biror mashaqqatni olmasa, boshqaninng koʻnglini ololmaydi.

Rumiy

Hazrati Bahouddin Naqshband (q.s.)dan muridlari bir karomat koʻrsatishni soʻrashdi. Hazrat oʻrinlaridan turdilar-da, yengil-yengil besh-olti qadam yurib, yana joylariga choʻkdilar. Muridlar hayron boʻlib qarashdi. Hazrati Naqshband (q.s.) dedilar: -Ikki yelkamda togʻday-togʻday gunohlarni koʻtarib, qushday yengil yurishimning oʻzi karomat emasmi?!

Anatol Frans

Jahon adabiyoti haqida) Yaxshi tanqidchi nafaqat oʻqigan asarlarini tahlil qiladi, balki u oʻz qalbining kechinmalari — sarguzashtlarini ham bayon qiladi.

Gabriyela Mistral

Shoiri boʻlmagan xalq misoli ruhsiz tana.

Sinesiy

Falsafa orqali inson oʻzini taniydi va Tangri bilan muloqot qiladi, xalq bilan esa soʻz sanʼati (ritorika) koʻmagida muloqotda boʻladi… Ritorikani va poeziyani yoqtirmaydiganlar ojiz odamlar, Tangri ularni isteʼdoddan benasib qoldirgan. Ular koʻnglidagini soʻz orqali ifodalay olmaydi va shu boisdan ham oʻzlarini sirli koʻrsatishga urinadi. Aslida esa, ularda hech qanday sir yoʻq.

Abdurahmon Jomiy

Tish-tirnoq qolmagan keksa sherni koʻr, Choʻloq tulki unga beradi ozor.

Lui Aragon

Toʻgʻrilik koʻpincha muhokama qilinmaydi.

Nikola Tesla

Agar yoqtirmaslik, nafrat degan narsalarning elektrga aylanishi mumkin boʻlganda, butun dunyoning yorugʻ boʻlishiga kifoya qilgan boʻlardi.

Ernest Xeminguey

Inson gapirishni oʻrganishi uchun ikki yilga muhtoj boʻladi. Jim turishni oʻrganishi uchun esa, ellik yil kerak.

Muhammad Ali

Allohdan boylik soʻradim. U menga Islomni berdi.

Viktor Tamilov

Odam hamma narsaga qodir! Faqat odam boʻlish qiyin.

Suqrot

Aqlli kishi johilga xuddi tabib bemorga xitob qilgandek xitob qilishi kerak.

Don Aminado

Insoniyatni istaganingcha sevaver, ammo javob sevgisini kutma.

Emil Krotkiy

Soat zanjirband boʻlsa-da, vaqt yugurik.

Sal Melamed

Vaqt ajinlardan tashqari hamma narsani silliqlaydi.

Viktor Tamilov

Kitob javoniga “dafn qilingan” kitobni dunyo yuzini koʻrdi deb hisoblash mumkinmi?

Mahmud Darvesh

Onam bilan boshqalarning orasidagi farq shuki, boshqalar meni mahzun holda koʻrmaslikni orzu qiladilar. Ammo onam mendan mahzunlikni oʻziga olishni orzu qiladi.

Gʻaybulloh as-Salom

Oʻzbek tili, oʻz lugʻaviy tarkibi tarafidan ham, poytaxt Toshkentni eslatadigan boʻlib qoldi. Qanday yaxshi!..

Konfutsiy

Qayerga bormagin, eʼtiqoding sen bilan boʻlsin.

Li Shan-In

Sababini aytmay bolani doʻpposlash; – kimgadir hurmat-izzat koʻrsataman deb haddan oshiq mulozamat qilish; – yilning issiq kunida quyosh kuydirib turgan chogʻ hosil terishga borish – yaramaydi.

Frans Kafka

Oʻzingda diyonat emas, yovuzlik ustun degan tasavvur uygʻonishiga yoʻl qoʻyma.

Lev Tolstoy

Yaxshi boʻl va sening yaxshi ekaningni hech kim bilmasligiga intil.

Jeyms Joys

Hamma davrlarda ham adabiyotga yangilik olib kirganlar eng yaxshi yozuvchi deb tan olingan. Lev Tolstoy buyuk adib. Uning asarlari hech qachon oʻlmaydi. Chunki uning yelkasida doim boshi boʻlgan.

Albert Enshteyn

Agar mavzuni oson tushuntira olmasangiz, demak uni yetarli darajada bilmaysiz.

Jak Iv Kusto

Girdob va hayot bir narsa ekanini unutib qoʻydik.

Charli Chaplin

Hayot repetitsiya qilinmaydigan pyesadir. Shu bois parda tushib, spektakl tugamagunicha hech qanday qarsakni kutmay kuylang, yigʻlang, raqsga tushing, kuling va qoʻlingizdan kelganicha yaxshi yashang.

Filip Chesterfild

Qirol Vilgelm davrida qirralari qirilib ketgan tangalarni muomaladan olib tashlashdi. Oʻrniga yangi zarb qilingan tanga qirgʻogʻiga bundan buyon odamlar uni buzmasin deb: “Ham bezak, ham himoya” soʻzlarini yozib qoʻyishdi. Yaxshi tarbiya ham xuddi shunga xizmat qiladi.

Erkin Vohidov

Oʻquvchi uchun avtorning yoshu qarisi, unvonli, unvonsizi yoʻq. U hamisha yozilgan satrlarga qarab muallifga oʻz munosabatini bildiradi: yo qalbiga jo qiladi, yo unutadi, yoʻqlikka mahkum etadi.

Jaloliddin Rumiy

Dunyo yasangan, bezangan chiroyli bir kelinchak kabidir! U barchaga kulib boqadi, ammo hech kimga tegmaydi. Dunyoning bu kayfiyatini anglagan buyuk zotlarimiz unga qiyo ham boqmay oʻtib ketaveribdilar.

Firdavsiy

Qayda ravshan boʻlsa toʻgʻrilik nuri, Egrilik soʻnadi, quriydi shoʻri.

Rimliklarning hikmatli soʻzlari

Haqiqatni – maydan, sogʻliqni – suvdan qidir.

Filip Chesterfild

Bilim insonga salmoq, obroʻ berishi mumkin. Shukuh, maʼnaviy goʻzallik esa faqat tarbiyadan.

Erkin Vohidov

Har bir millatning kelajagi istaymizmi-yoʻqmi, oʻqituvchilar saviyasiga bogʻliq. Bu haqiqatni hech qachon esdan chiqarmasligimiz lozim.

Jaloliddin Rumiy

Bir olim gʻiybatchiga debdi: -Aytaylik, sen yomonlayotgan odamning obroʻsi kamaydi, ammo bu toʻkilgan obroʻ senikiga kelib qoʻshilmaydi-ku!

Tohir Malik

Kam ichding nima-yu, koʻp ichding nima, farqsiz, igna ham yoʻgʻon qoziqning uchi ham koʻzga kirar boʻlsa baribir koʻr qiladi.

Jon Milton

Quyosh botsa oʻkinma, ertaga u tongni boshlab keladi.

Shamsi Tabriziy

Qalbingni kin va hasad ila kirlatma. Chunki ularni yuvib ketkazolmaysan.

Konfutsiy

Oʻz xatolaringni tan olishdan uyalma, aks holda ular jinoyatga aylangʻusi

Don Aminado

Sochlar xuddi doʻstlarga oʻxshaydi: oqaradi va siyraklashadi.

Lev Tolstoy

Shuhrat uchun sarf-xarajat qilma.

Frans Kafka

Ruh qachon jon boʻlishdan toʻxtasa, u ozod qilinadi.

Li Shan-In

Agar alkimyo odamlarga boylik keltiradi; – qoʻshni viloyat amaldorlari vijdonan ishlaydi desang– odamlarni aldaysan.

Gʻaybulloh as-Salom

Chamasi, tilni buzganligi uchun jarima tayin etish kerak. Ana oʻshanda hozir turnaqator boʻlib bosilib chiqayotgan yuzlab kitoblar, risolalar taqqa toʻxtaydi. Odamlarning qulogʻi tinadi. Qogʻoz tejaladi…

(Navoidan 9 sms)

Tuzlik ermas shifosiyu voyasi ham, Kim egri kishining egridir soyasi ham.

Jeyms Joys

Gans-Kristian Andersen – Daniyadagi eng yaxshi yozuvchi. Dunyoda undan yaxshi yozadigani yoʻq. Hech kim Andersenchalik tarixni bolalarga yaxshi hikoya qilib berolmaydi. U – jahonda noyobdir.

Albert Enshteyn

Bilimni oʻzlashtirish qobiliyatimdan koʻra fantaziya qobiliyatim men uchun qadrliroq.

Amir Temur

Shijoatli kishilarni doʻst tut, chunki Tangri taolo jasur kishilarni ardoqlaydi.

Filip Chesterfild

Oʻzi haqida hech nima gapirmaydigan yoxud hamma narsani ayon-shayon qilib yuradigan odamga hech kim hech narsani ishonib aytmaydi.

Plutarx

Yalqov boʻla turib sogʻlom yurishni istagan kishi jim turib ovoz chiqarishni istagan kabidir.

Charli Chaplin

Mening ogʻrigʻim kimningdir kulgisiga sabab boʻlishi mumkin, lekin mening kulgim kimningdir ogʻrigʻiga sabab boʻlmasligi kerak.

Jak Iv Kusto

Bolalik – umrning eng mazmunli davri.

Amir Temur

Eng baland minora ham yerdan koʻtarilgay.

Tagor

Vijdonimizning ovozini eshitmaslik uchun shovqinli olomon ichiga oʻzimizni uramiz.

Jon Milton

Tasodif yoʻq bu dunyoda hamma narsa yo sinov, yo jazo, yo mukofot, yo oldindan aytish.

Shamsi Tabriziy

Har narsaning meʼyori yaxshi. Odobning esa ortigʻi.

Jaloliddin Rumiy

Bir boy davlatmandligidan kerilib, shayxga debdi: -Sizga qancha pulu oltin kerak boʻlsa, mana mendan soʻrang! -Yoʻq, — debdi shayx. – Men qulimning qulidan narsa soʻramayman. -Ie, qanaqasiga sizga qul boʻlay? – darqaxr boʻlibdi boy. Shayx javob beribdi: -Nafs mening qulim, sen esa nafsning qulisan!..

Rimliklarning hikmatli soʻzlari

Odobli inson hamisha oddiy boʻladi.

Tomas Mann

Mutlaqo begona odamlarning bir-biriga “sen” deb murojaat qilishi yovvoyilik, qoloqlik, odobsizlik belgisidir. Men buni jinimdan battar yomon koʻraman. Chunki bu, mohiyatiga koʻra, sivilizatsiyaga va insoniyat taraqqiyotiga surbetlarcha, vijdonsizlarcha qarshi yoʻnaltirilgandir.

(Fridrix Shiller)

Har qanday gʻalabadan ustun narsa kechirimdir.

Firdavsiy

Nodonlikdan yomonlik keladi faqat, Nodonga yondoshma, bosmasin gʻaflat.

Shamsi Tabriziy

Hammasi qalbingga bogʻliq: qalbingni oʻzgartir, dunyoing ham oʻzgarsin.

Vilgelm Humboldt

Hayotdagi eng birinchi va eng muhim narsa oʻzingni oʻzingga boʻysundirishga intilishdir.

Bernard Shou

Muvaffaqiyat asosiy maqsadingiz koʻz oldingizda turganda keladi. Maqsadingiz koʻzdan nari ketishi bilan muvaffaqiyat ham ketadi.

Mishel de Monten

Eng zoʻr qobiliyatlar bekorchilik sabab soʻnadi.

Javoharlaʼl Neru

Muvaffaqiyat faqat intiluvchan odamgagina nasib qiladi. Qiyin sharoitda tushkunlikka tushadiganlarni esa juda kam yoʻqlaydi.

Filip Chesterfild

Doʻstlikda ham, dushmanlikda ham doimo meʼyorni his etib turish kerak. Aksincha, birinchisi xavfli boʻlib qolishi, ikkinchisi esa bitishmas darajaga borib qolishi mumkin. Ertaga nima boʻlishini hech kim bilmaydi.

Abdurahmon Jomiy

Agar mezbon dasturxon atrofida oʻzini hamma neʼmatlardan baland tutsa, uning nonidan oʻz jigaring aʼlo va uning sharbatidan oʻz qoning bajo.

Lui Aragon

Taʼlim berish – umid urugʻini ekish demakdir.

Albert Enshteyn

Odam yosh boʻlgan paytda yolgʻizlik – azob, lekin kamolotga yeta borgani sari uning ilhombaxsh kuchi ortadi.

Jak Iv Kusto

Birinchi qadamni tashlashga qiziquvchanlik turtki beradi, uning ortidan esa ilm ergashadi.

Charli Chaplin

Hayotdagi eng qaygʻuli hol – hashamatga oʻrganib qolishdir.

Jon Milton

Tunu kun nafsni tiyishga intilmoq darkor.

Shamsi Tabriziy

Doʻst degani gulday boʻlmogʻi kerak: ham yaprogʻi, ham tikani bilan.

Firdavsiy

Yomonga qoʻshilma, boʻlursan yomon, Qarosin yuqtirar doimo qozon.

(Tomas Mann)

Xunuk holatlarni ham oʻz foydasiga uyalmay oʻzgartira olish yashovchanlik qobiliyatining belgisidir.

Jaloliddin Rumiy

Yolgʻonchiga berilgan jazo unga boshqalar ishonmay qoʻygani emas, u boshqalarga ortiq ishona olmasligidir.

Jaloliddin Rumiy

Yoʻlda oʻzlariga toʻqnash kelayotgan molni koʻrib, Imom Aʼzam yoʻl beribdilar. Sababini soʻraganlarga esa shunday javob qilibdilar: -Molning shoxlari boʻlsa, mening aqlim bor!

Shamsi Tabriziy

Senda undan ham bor, bundan ham bor. Falon bormi dedilar, bor. Fismadon bormi dedilar, bor. Yaxshi, SENda SENdan nima bor, Mavlono?!

Firdavsiy

Toʻgʻrilikdan kelmish hamma yaxshi ot, Egrilikdan foyda koʻrmadi bir zot.

(Tomas Mann)

Qoʻpollik sizni istagan odam bilan bir joyga qoʻyadi; faqat adabgina masofa hosil qila oladi.

Rimliklarning soʻzlari

Bittadan ortiq haqiqat yoʻq.

Jaloliddin Rumiy

Hurmat qilsang, hurmat qilinasan. Sadaqa qilsang, rizqing yana ziyoda boʻladi. Tabassum qilsang, ajr olasan. Tavozuʼli boʻlsang, yuksalasan.

Robindranat Tagor

Shunchaki qarab yoki turib dengizni kesib oʻta olmaysiz. Behuda istaklarga vaqtingizni sarflamang.

Fridrix Shiller

Ishni yarim yoʻlda tashlab, chetga chiqib oladigan va endi bu yogʻi nima boʻlar ekan, deb ogʻzini ochib qarab turadigan odam haqiqiy ahmoqdir.

Tomas Mann

Mukammallik katta quvonch olib keladi.

Rimliklarning soʻzlari

Vaqtning qadriga yet!

Mavlono Jaloliddin Rumiy

Tarix sohasida jahon miqyosida tengi kam olimlardan boʻlgan Mahmud Kamoldan soʻradilar: -Sizdagi bilimning oʻndan biriga ham ega boʻlmaganlar sizdan bir necha barobar koʻproq tanildilar. Buning sababi nimada ekan? -Men bilmoq uchun oʻrgandim, ular bilinmoq uchun!

Jon Milton

Yasama dabdaba kaltafahmlikning intihosi.

Shamsi Tabriziy

Huzun ishqni aynishdan asraydi.

Firdavsiy

Pandu nasihatdan kim oʻgirdi yuz, Zahmati ming boʻlur, pushaymoni — yuz.

Mahmud az-Zamahshariy

Burgut tovuqlar orasida bemalol yuraversa, u burgut emas.

Abu Rayhon Beruniy

Ilmlarning foydasi ochkoʻzlik bilan oltin-kumush toʻplash uchun boʻlmay, balki u orqali inson uchun zarur narsalarga ega boʻlishdir.

Konfutsiy

Ota va onaning yoshini bilmaslik mumkin emas, bu oʻgʻil uchun ham quvonch, ham tashvish.

Navoiy

Ilmni kim vositayi joh etar, Oʻziniyu xalqni gumroh etar.

Abu Ali ibn Sino

Xulqlarning barchasi oʻz tabiati bilan goʻzal, yomon xulq-atvorlarga esa keyin erishilgan boʻladi.

Imom Gʻazzoliy

Odobsiz, tarbiyasiz va badxulq kishilar bilan tortishmang.

Shamsi Tabriziy.

Bu hayotda har kim boʻlishing mumkin, ammo eng muhimi INSON boʻlmogʻingdir.

Jaloliddin Rumiy.

Oʻylaring soʻzlaringga, soʻzlaring feʼlingga, feʼling taqdiringga nuqs etadi. Goʻzal oʻyla, goʻzal yasha.

Fridrix Shiller.

Oʻzini boshqara oladigan odamgina erkindir.

Tomas Mann.

Baxt va muvaffaqiyat – oʻzimizda, ichimizdadir.

Firdavsiy.

Donolar soʻziga quloq ilmasang, Eng nodon sendirsan — bilgil, bilmasang.

Erkin Vohidov.

Raqobatli dunyoda kitobning qudratli, sehrgar raqiblari koʻp.

Jaloliddin Rumiy.

Bir xristian popi oʻlkamizga kelib, yoshgina boladan cherkovning yoʻlini soʻrabdi. Bola popni cherkovga kuzatib qoʻyibdi. Minnatdor pop debdi: — Barakalla, oʻgʻlim! Ertaga ham shu yerga kelsang senga jannatning yoʻlini koʻrsataman. Bola javob beribdi: — Cherkovni yoʻlini bilmagan jannatning yoʻlini qaerdan bilardingiz?!

Pasternak.

Dunyoda hech qanday dalil qolmagan taqdirda ham, bir mikrobning hayoti Allohni anglash va anglatish uchun yetarlidir.

Shamsi Tabriziy

Baʼzan ortingga qarab qoʻy: shunda qayerdan kelganingni unutmaysan.

Firdavsiy.

Shon-shavkat yuksak maqsad sari intilganning mulkidir.

Seneka hikmati

Yer yuzida quyosh nuriga loyiq bo‘lmagan odamlar ko‘p, lekin quyosh har kuni qaytadan chiqadi.

Seneka hikmati

Pulga sotib olingan sadoqat, yana pulga sotiladi.

Seneka hikmati

Boshlangan har narsa bir kun tugaydi.

Seneka hikmati

Katta omad bu katta qullikdir.

Seneka hikmati

O‘lim, ba’zan jazo, ba’zan esa mukofot, ko‘pincha lutfdir.

Jon Milton hikmati

Umid bilan qurgan imorating bir og‘masin, bir og‘dimi baribir yiqiladi.

Jon Milton hikmati

Mehr bilan qahr orasi bir qadam.

Jon Milton hikmati

Yaxshilik bilan yomonlik, kulfat bilan omad, yonma-yon, oldinma-keyin yuradi.

Jon Milton hikmati

Puxta o‘ylab ko‘rilmagan bemavrid mardlik baxt keltirmaydi.

Jon Milton hikmati

Gap shundaki eshitganingga emas, ko‘rganingga ishon.

Rimliklar hikmati

Va'da berishdan oldin uning ustidan chiqishni o‘yla.

Tomas Mann

Nuqsonni yoqlash bilan fazilatlar haqorat qilinadi.

Fridrix Shiller

Buyuk qalblar iztiroblarini sukut bilan o‘tkazadilar.

Robindranat Tagor.

Biz odamni nimani bilishiga qarab emas, nimadan quvonishiga qarab anglaymiz.

Imom G‘azzoliy

Qabrda yotganlar pushaymon qilayotgan ishlar ustida tiriklar bir-biri bilan qirpichoq bo‘lmoqdalar.

(Albert Enshteyn)

Bilim bu – maktabda o‘rgatilgan hamma narsa esingdan chiqib ketgandan keyin o‘zingda qolgan narsalardir. Savol berishdan to‘xtamaslik juda muhim. Qiziquvchanlik odamga bejiz berilmagan. Chegaralarini bir marta kengaytirgan idrok hech qachon eski joyiga qaytmaydi.

(Charli Chaplin)

Sevilmaganlargina nafratlanadilar.

(Jak Iv Kusto)

Haqiqiy boylik – hayotning o‘zi va qizg‘in faoliyatdir.

(Henrix Heyne)

Ish bilan mashg‘ul bo‘lmagan odam hech qachon to‘laqonli baxtli bo‘lolmaydi, ishyoqmas kishining yuzida hamisha norozilik va hafsalasizlik alomatlarini ko‘rasiz.

(Amir Temur)

Har kimning qadr-qimmatini, tutgan mavqeini va har narsaning o‘lchovini belgilab olishing va shunga muvofiq ish yuritishing kerak.

Konfusiy

Shirin so‘zlar va sha'ma ko‘ngildan chiqqan samimiyat belgisi emas.

Konfusiy

Ehtiyotkor inson ham ba'zan adashadi.

Konfusiy

Jarohat uchun adolatni, ezgulik uchun faqatgina ezgulikni qalqon biling.

Konfusiy

Ezgulik uchun yaralgan yoxud ezgulikdan mutlaqo mosuvo insonni ko‘rmadim. Kimki ezgulikka intilar ekan, hamisha hurmatda bo‘lur.

Konfusiy

Sadoqat va samimiyatni saqlab qolmoq – cho‘qqining qorni ushlab qolishidek chiroylidir.

Konfusiy

Oliy odam Haqiqatga do‘st, manfaatga emas.

Frans Kafka

Yaxshilik, qaysidir ma'noda, minnatli hamdir.

Lev Tolstoy

Yaqinlaringning hayoti shirin bo‘lishiga hissa qo‘sh.

EMIL KROTKIY

Shaxmatdagi ot ham qoqilishi mumkin

SAL MELAMED

Vaqt ajinlardan tashqari hamma narsani silliqlaydi.

Viktor Tomilov

O‘qishni boshlash hech qachon kech emas, hatto oliy o‘quv yurtini bitirgandan keyin ham.

Jon Golsuorsi

Nima uchun biz ijodkorlar jonu jahonimizni san'atga baxshida etamiz? Bu savolga faqat bitta to‘g‘ri javob bor: — Insonning farovonligi va ulug‘vorligi uchun!

Muhammad Iqbol

Meni ishq sayqalladi, inson bo‘ldim. Dunyoning ulug‘vorligi va ojizligini bildim.

Abdurahmon Jomiy

Sofdil oshiqlardan latifroq kishi olamda topilmas.

Lui aragon

Yoshlar orzu qiladi. Qarilar eslaydi

 

 

 

 

 
Tugmani bosing Tinglash GSpeech

O'zbekiston Respublikasi Davlat statistika qo'mitasining Aholini ro'yhatga olish portaliga o'tish

Iltimos, ishonch telefoni xizmati sifatini baholang

O'zbekiston Respublikasi Davlat statistika qo'mitasining Elektron interaktiv xizmatlar portaliga o'tish

Videolar

Davlat statistika qoʻmitasi faoliyatida zamonaviy AKTning joriy etilishi

Farg'ona viloyatida xonadonlarga raqamlar o'rnatilmoqda

Aholini onlayn ro'yxatga olish jarayonlari boshlandi

4 ta hududa sinov tariqasida aholi ro'yxatga olinmoqda

Aholini ro'yxatga olish jarayoni bo'yicha xorijiy ekspertlar ishtirokida uchrashuv

Xorijiy ekspertlar ishtirokida aholini sinov tariqasida ro’yxatga olish bo’yicha uchrashuv

Sinov tariqasida aholini ro'yxatga olish tadbirlari davom etmoqda

Xorijiy ekspertlar sinov tariqasida aholini ro'yxatga olish jarayonlarida ishtirok etishmoqda

Aholini sinov tariqasida ro’yxatga olish bo'yicha debrifing

Xorijiy ekspertlar aholini sinov tariqasida ro'yxatga olish bo'yicha tavsiyalar berishdi

Xorijiy ekspertlar sinov tariqasida aholini ro'yxatga olish jarayonlarida ishtirok etishmoqda

24- oktabr – O'zbekiston Respublikasi Prezidenti saylovi kuni

Davstatqo'm boshqarma boshlig'i Qobil Berdiqulov bilan suhbat

Aloqa va axborotlashtirish sohasida ko'rsatilgan xizmatlar hajmi

2021- yil noyabr oyida 4 ta hududda aholi sinov tariqasida ro'yxatga olinadi

Ochiq ma’lumotlar sohasini yanada rivojlantirish istiqbollari

Uzreport TV “Rasmiy statistika to'g'risida”gi qonunining mazmuniga bag'ishlangan matbuot anjumani

Uzreport TV Multiindikator klaster kuzatuvlariga bag'ishlangan matbuot anjumani

Multiindikator klastеr kuzatuvlarida faol qatnashing!

“Rasmiy statistika toʻgʻrisida”gi qonun loyihasi Oliy Majlisda muhokama qilindi

OCHIQ MA`LUMOTLAR PORTALI

O'zbekiston Respublikasi Davlat statistika qo'mitasi Ochiq ma'lumotlar portalining asosiy muvofiqlashtiruvchisi va asosiy etkazib beruvchisi hisoblanadi.

 

22 000+

Yuklangan Ma'lumotlar

3 500+

Ko'rsatkichlar

149

Tashkilotlari

 

data.egov.uz

 

AHOLINI RO'YXATGA OLISH 2023 

O‘zbekiston Respublikasida Aholini ro‘yxatga olish bo‘yicha sinov tadbirlari 2021- yil 1–25- noyabr kunlari Respublikamizning 4ta hududida: Andijon viloyatining Xo‘jaobod tumani, Toshkent viloyatining Yuqorichirchiq tumani, Xorazm viloyatining Xiva shahri hamda Toshkent shahrining Yashnobod tumanida o‘tkazildi. Aholini ro‘yxatga olish bo‘yicha asosiy tadbirlar Respublikamizning barcha hududida 2023- yilda o‘tkazilishi rejalashtirilgan

 

 

aholi.stat.uz

 

BARQAROR RIVOJLANISH MAQSADLARI

2015 yil 25 sentyabrda Birlashgan Millatlar Tashkiloti Bosh Assambleyasida 70/1-sonli "Dunyomizni o'zgartirish. 2030 yilgacha bo'lgan davrda barqaror rivojlanish sohasidagi kun tartibi" rezolyutsiyasini qabul qildi va u 2016 yil 1 yanvardan kuchga kirdi.Ushbu hujjat kompleks xarakterga ega 17 maqsad va 169 vazifani o'z ichiga olgan bo'lib, barqaror rivojlanishning har uchta komponenti - iqtisodiy o'sish, ijtimoiy integratsiya va ekologik barqarorlik muvozanatini ta'minlaydi.

 

17

MAQSADLAR

169

VAZIFALAR

100+

KO'RSATKICHLAR

 

nsdg.stat.uz

USLUBIY MATERIALLAR

Uslubiy materiallarning elektron kutubxonasi, uslubiy nizomlar va yo’riqnomalarning tizimlashtirilgan ro’yxati, statistik kuzatuvlar o’tkazish va tashkillashtirish masalalarini reglamentlashni o’z ichiga oladi.

 

197

UMMUMIY MATERIALLAR

167

AMALDAGI MATERIALLAR

30

BEKOR QILINGAN MATERIALLAR

 

lib.stat.uz

 

 

Xalqaro valyuta jamg‘armasining “kengaytirilgan Ma’lumotlarni tarqatishning umumiy tizimi” (kMTUT) mamlakatlarni iqtisodiy salohiyatini namoyon qiluvchi asosiy ma’lumot manbai hisoblanadi. Tizim doirasida asosiy iqtisodiy, moliyaviy va ayrim ijtimoiy ko‘rsatkichlar belgilangan talablar asosida e’lon qilib boriladi.

Mazkur sahifada nafaqat Davlat statistika qo‘mitasi, balki tizimning boshqa ishtirokchilari, ya’ni Moliya vazirligi, Markaziy bank va “Toshkent” RFBning tegishli ma’lumotlari bir resursga mujassamlashtirilgan.

 

24

KATEGORIYA

420+

INDIKATORLAR

4

TASHKILOTLAR

 

nsdp.stat.uz

Ilmiy Elektron Jurnal

Kadrlar malakasini oshirish va statistik tadqiqotlar insituti huzuridagi "O'zbekiston Statistika Axborotnomasi" ilmiy elektron jurnali.

 

15

Tarmoq va Sohalar

9

Jurnallar soni

186

Maqolalar

statmirror.uz

 

GENDER STATISTIKASI

Gender statistikasi bu - ayollar va erkaklarning gender nuqtai nazaridan farqini aniqlash va buni tizimli ravishda o`rganib borish uchun, ayol va erkaklarning muhim ahamiyatga ega bo`lgan barcha yo`nalishlardagi haqiqiy o`rnini xolisona aks ettiruvchi statistika hisoblanadi 

2

Bo'limlar

12

Yo'nalishlar

120+

Ko'rsatkichlar

 

gender.stat.uz

 

 
Tugmani bosing Tinglash GSpeech