O'zbekiston Respublikasi Davlat statistika qo'mitasi Raisining funksional vazifalari

- Respublika Hukumati va davlat va xo`jalik boshqaruvi organlarini, respublikada va hududlarda yuz berayotgan o`zgarishlarni tahlil qilish va prognozi uchun zarur bo`lgan, ijtimoiy va iqtisodiy sohaning turli jabhalari bo`yicha, o`z vaqtida sifatli statistika axborotlari bilan ta`minlash ishlarini tashkil etish;

- mamlakatning ijtimoiy-iqtisodiy rivojlanishida, eng muhim ustuvor yo`nalishlarni amalga oshirish holati monitoringi uchun statistik ma`lumotlarni tayyorlash ishlariga rahbarlik qilish;

- Vazirlar Mahkamasi tomonidan har yili tasdiqlanadigan Davlat statistika ishlari dasturi doirasida, statistik ishlanmalarning to`liq hajmda va belgilangan muddatlarda bajarilishini ta`minlash;

- davlat statistika sohasiga tegishli qonunlar, O`zbekiston Respublikasi Prezidentining farmonlari, qarorlari, farmoyishlari va Hukumat qarorlarining ijrosiga yo`naltirilgan chora-tadbirlarni belgilash, shuningdek, ularning so`zsiz bajarilishini nazorat qilish;

- statistika axborotlarini yig`ish, qayta ishlash, umumlashtirish, to`plash, tahlil qilish, taqdim etish va saqlash jarayonida, respublika va hududlar darajasida davlat statistika tizimi tuzilmalarining o`zaro samarali hamkorlikdagi faoliyatini tashkil etish;

- xalqaro standartlarga mos keluvchi, statistik ko`rsatkichlar tizimining yanada rivojlanishini ta`minlaydigan, ilmiy asoslangan statistika uslubiyati va to‘plamlarini takomillashtirish bo`yicha yo`nalishlar va kompleks chora-tadbirlarni belgilash;

- makroiqtisodiy hisob-kitoblarni amalga oshirishda, matematik tahlil uslublari va zamonaviy ixtisoslashtirilgan statistik dasturiy mahsulotlardan foydalanishni kengaytirish bo`yicha ishlarni tashkil etish;

- davlat statistika organlari vakolatlari doirasida me`yoriy-huquqiy hujjatlarni tayyorlash va qabul qilish ishlarini tashkil etish;

- davlat statistika organlarining dasturiy-texnik ta`minotini yaxshilash va axborot tizimini takomillashtirish bo`yicha chora-tadbirlarni amalga oshirish;

- zamonaviy amaliyotga muvofiq, respondentlar va statistika ma`lumotlaridan foydalanuvchilar bilan o`zaro aloqalarni ta`minlash uchun zarur shart-sharoitlarni yaratish;

- axborot xavfsizligi talablarini hisobga olgan holda, axborot almashish jarayonida davlat statistika tizimining o`zaro hamkorligi uchun samarali asos yaratish;

- davlat statistika organlarining kadrlar salohiyatini rivojlantirish, xodimlarning kasbiy tayyorgarligi sifatini yaxshilashni ta`minlash;

- davlat statistika tizimining moddiy-texnika bazasini yaxshilash, xodimlar mehnatini rag`batlantirishni oshirish bo`yicha chora-tadbirlar ko`rish.

 

Tugmani bosing Tinglash GSpeech