Ayni kunlarda aholini sinov tariqasida roʻyxatga olish jarayonlarini kuzatib borish maqsadida xorijiy ekspertlar tashrif buyurgan.
Joriy yilning 16- noyabr kuni MDH statistika qo’mitasi raisi V.L. Sokolin, boshqarma boshlig‘i I.A. Zbarskaya Davlat statistika qo‘mitasi huzuridagi Kadrlar malakasini oshirish va statistik tadqiqotlar institutiga tashrif buyurdi.
Ilmiy-amaliy seminarda institut rahbariyati, professor-o’qituvchilar, ilmiy xodimlar va doktorantlar qatnashdi.
Seminarda MDH statistika qo’mitasi vakillari milliy statistika tizimini xalqaro statistika tizimiga integratsiya qilish, milliy hisoblar bo’yicha xalqaro standartlarga o’tish, tarmoqlar statistikasi, ijtimoiy statistikani rivojlantirish hamda kadrlar malakasini oshirishda institutning ilmiy salohiyatidan samarali foydalanish masalalari muhokamasi kun tartibidan o’rin oldi.
Shuningdek, xalqaro ekspertlar O’zbekistonda o’tkazilayotgan aholini ro’yxatga olish jarayonlarini sifatli tashkil etish borasida xalqaro tajriba bilan o’rtoqlashdi.
Matbuot xizmati