O‘zbekiston Respublikasi Vazirlar Mahkamasining 2020- yil 11- noyabrdagi “O‘zbekiston Respublikasida 2023- yilda aholini ro‘yxatga olishga tayyorgarlik ko‘rish va uni o‘tkazish chora-tadbirlari to‘g‘risida”gi 710-son qaroriga muvofiq, sinov tariqasida aholini ro‘yxatga olish tadbirlari 2021- yil 1–25- noyabr kunlari Andijon viloyatining Xo‘jaobod tumani, Toshkent viloyatining Yuqori Chirchiq tumani, Xorazm viloyatining Xiva shahri hamda Toshkent shahrining Yashnobod tumanida amalga oshirilishi belgilangan edi.
Shu yilning 1–25- noyabr kunlari belgilangan hududlarda sinov tariqasida aholini ro‘yxatga olish tadbirlari keng ko‘lamda o‘tkazildi.
Ayni paytda ro‘yxatga oluvchilar tomonidan uyma-uy yurib to‘ldirilgan savolnoma shakllarini sinov hududlaridagi tuman aholini ro‘yxatga olish bo‘limlariga topshirish jarayoni ketmoqda.
Matbuot xizmati