Yurtimizda aholi salomatligini saqlash va mustahkamlash, sog'lom turmush tarzini targ'ib qilishni kuchaytirish davlat siyosatining ustuvor yo'nalishlaridan biridir.
O‘zbekiston Respublikasi Prezidentining 2021- yil 5- noyabrdagi “Yurish, yugurish, mini-futbol, badminton, stritbol va “Workout” sport turlarini yanada rivojlantirish chora-tadbirlari to‘g‘risida” gi PQ-5282-son qarori ijrosini ta'minlash maqsadida barcha ishchi-xodimlar o‘rtasida sog'lom turmush tarzini keng tatbiq qilish maqsadida turli sport musobaqalari tashkil etilmoqda.
Davlat statistika qo'mitasi ham ommaviy sportni rivojlantirish maqsadida sport majmualarida xodimlar o'rtasida turli sport tadbirlari o'tkazmoqda.
Xususan, shu yilning 20–24- dekabr kunlari reja asosida qo'mita markaziy apparati boshqarmalari xodimlari o'rtasida “Sport festivali” o'tkazildi.
Mazkur sport festivalida workout, mini-futbol, badminton va stol tennisi bo‘yicha musobaqalar tashkil etildi.
Ta’kidlash lozimki, muntazam jismoniy tarbiya va ommaviy sportni o'tkazishdan maqsad – har bir fuqaroda sog'lom turmush tarzini shakllantirish, yomon odatlardan voz kechish, to'g'ri ovqatlanish tamoyillariga rioya qilishdir.
Sport festivali g‘olib va sovrindorlariga diplom va esdalik sovg‘alari topshirildi.
Matbuot xizmati