Joriy yilning 7-mart kuni Davlat statistika qo‘mitasi Ma'naviyat va ma'rifat kengashi va Kasaba uyushma qo‘mitasi tomonidan 8-mart –Xalqaro xotin-qizlar kuni munosabati bilan qo‘mitada ishlayotgan barcha ayollar uchun bayram tadbiri tashkil etildi.
Davlat statistika qo‘mitasi raisi Begalov Baxodir Abdusalomovich dilbar opa-singillarni 8-mart bayrami bilan samimiy muborakbod etdi. Ayollarning jamiyatdagi o‘rnini yanada yuksaltirish va mustahkamlash, ularning ijtimoiy himoyasini kuchaytirish borasida davlatimiz tomonidan yuksak e’tibor qaratilayotganligini ta’kidlab o‘tdi.
Shundan so‘ng, aziz ayollar uchun bayram tadbiri tashkil etildi. Kuy-qo‘shiqlar va o‘zgacha bayram dasturxoni opa-singillarimiz kayfiyatini yanada ko‘tardi.
Go‘zal va betakror, sevgi-muhabbat va sadoqat timsoli bo‘lgan ayollarga sihat-salomatlik, bahoriy kayfiyat, baxt-saodat, xonadonlarida tinchlik-xotirjamlik, fayzu baraka doimiy hamroh bo‘lsin !
Barcha ezgu orzu-niyatlaringiz amalga oshsin aziz ayollar, qadrli opa-singillar !
Samimiy va cheksiz hurmat ila,
Davlat statistika qo‘mitasi jamoasi