Milliy urf-odatlarimiz, an’analarimiz, qadriyatlarimizda ko‘pchilikni birdamlikka, ahillikka va mehr-oqibatga undashi bilan hashar alohida ahamiyatga ega. Shu boisdan xalqimizda hashar – elga yarashar degan ezgu ibora bor.
Shu munosabat bilan Davlat statistika qo‘mitasida ham obodonlashtirish va ko‘kalamzorlashtirish ishlari ko‘tarinki ruhda o‘tmoqda. Erta tongdan ahil jamoa a’lo kayfiyatda va hamjihatlikda hashar ishlariga faol qatnashdi.
Davlat statistika qo‘mitasi rahbariyati boshchiligidagi qo‘mita va Toshkent shahar statistika boshqarmasi jamoasi tashabbusi bilan Toshkent shahrining Yangihayot tumanidagi mahallalar, aholi turar joylarini obodonlashtirish va ko‘kalamzorlashtirish maqsadida hamjihatlikda hashar o‘tkazilmoqda.
Shuningdek, Yangihayot tumanidagi mahallalarda turli xil mevali daraxt koʻchatlari ekildi, xonadonlar atrofi hamda hovlisida koʻchat ekish xohishi boʻlgan fuqarolarga ko‘chatlar berildi.
Umumxalq xayriya hashari davom etmoqda.
Matbuot xizmati