2022-yil 12-may kuni Davlat statistika qoʻmitasi huzuridagi Kadrlar malakasini oshirish va statistik tadqiqotlar institutida Qozogʻiston iqtisodiyot, moliya va xalqaro savdo universitetining professori, iqtisodiyot fanlari doktori Abduraxmanov Mirzatilla Abdullayevich ishtirokida davra suhbati boʻlib oʻtdi.
Ushbu davra suhbatida Kadrlar malakasini oshirish va statistik tadqiqotlar instituti rahbariyati, professor-oʻqituvchilari, institut doktorantlari va mustaqil izlanuvchilari hamda oʻquv kurslari tinglovchilari ishtirok etishdi.
Davra suhbatida professor M.Abduraxmanov tadbir ishtirokchilariga Qozogʻiston iqtisodiyot, moliya va xalqaro savdo universitetining faoliyati, oʻzining ilmiy faoliyati va hayot tajribalari toʻgʻrisida gapirib berdi va institut professor-oʻqituvchilari, doktorantlarining ilmiy yoʻnalishdagi ularni qiziqtirgan savollariga batafsil javob berdi, tegishli tavsiyalari bilan oʻrtoqlashdi.
Davra suhbati Kadrlar malakasini oshirish va statistik tadqiqotlar instituti va Qozogʻiston iqtisodiyot, moliya va xalqaro savdo universiteti oʻrtasidagi 2019-yil 27-martda imzolangan oʻzaro hamkorlik toʻgʻrisidagi shartnomaning amaldagi ijrosi sifatida ochiq va doʻstona ruhda oʻtdi.