Iqtisodiy faoliyat turlari bo‘yicha ko‘rsatilgan bozor xizmatlari tarkibida eng katta ulushni savdo xizmatlari egallaydi.
2022- yil yanvar-iyun oylarida bu xizmatlarning ulushi 25,0 % ni tashkil etdi. Shu bilan birga, yuqori ko‘rsatkichlar moliyaviy xizmatlar (22,9 %), transport (22,0 %), aloqa va axborotlashtirish xizmatlari (6,3 %), shuningdek, ta’lim sohasidagi xizmatlar bo‘yicha (4,2 %) qayd etildi.
Kompyuterlarni ta’mirlash bo‘yicha xizmatlar hajmida biroz o‘sish qayd etilib, ularning ulushi 1,7 % ga yetdi.
Iqtisodiy faoliyat turlari bo‘yicha xizmatlarning tarkibi:
Savdo xizmatlari – 25,0 %;
Moliyaviy xizmatlar – 22,9 %;
Transport xizmatlari – 22,0 %;
Aloqa va axborotlashtirish xizmatlari – 6,3 %;
Ta’lim sohasidagi xizmatlar – 4,2 %;
Boshqa xizmatlar – 3,8 %;
Yashash va ovqatlanish xizmatlari – 3,1 %;
Ko‘chmas mulk bilan bog‘liq xizmatlar – 2,8 %;
Shaxsiy xizmatlar – 2,5 %;
Me’morchilik, muhandislik izlanishlari, texnik sinovlar va tahlil sohasidagi xizmatlar – 2,0 %;
Ijara xizmatlari – 1,9 %;
Sog‘liqni saqlash sohasidagi xizmatlar –1,8 %;
Kompyuter va maishiy tovarlarni ta’mirlash bo‘yicha xizmatlar – 1,7 %.