Mustaqillik har bir xalq va davlatning istiqboli uchun eng asosiy vosita hisoblanadi. Millatning ijtimoiy-iqtisodiy va sotsial rivojlanishida mustaqillik asosiy poydevor vazifasini bajaradi. Istiqlol yillarida O'zbekiston izchil islohotlar va xalqimizning fidokorona mehnati tufayli ulkan yutuqlarga erishdi.
2022- yilning 25- avgust kuni Davlat statistika qo‘mitasida qo‘mita markaziy apparati xodimlari uchun o‘tkazilgan ma’naviy-ma’rifiy tadbirda mamlakatimiz mustaqilligining iqtisodiyot, turizm, fan va madaniyat sohalarini rivojlantirishdagi roli muhokama qilindi.
Tadbirda, Davlat statistika qo‘mitasi raisining ma'naviy-ma'rifiy ishlar samaradorligini oshirish, davlat tili to‘g‘risidagi qonun hujjatlariga rioya etilishini ta'minlash masalalari bo‘yicha maslahatchisi Ahmedov Qiyomxon Elyosxonovich hamda Yuridik bo`limi boshlig‘i To'xtayev Vahob Oripovich mavzu yuzasidan alohida to‘xtalib o‘tdi.
Uchrashuvda mustaqillik yillarida mamlakatimizda huquqiy demokratik davlat, kuchli fuqarolik jamiyati barpo etish, erkin bozor munosabatlariga asoslangan iqtisodiyotni rivojlantirish, xalqning tinch va farovon hayot kechirishi uchun shart-sharoit yaratish, O'zbekistonning xalqaro maydonda munosib o'rin egallashiga qaratilgan keng ko'lamli chora-tadbirlar amalga oshirilganligi takidlandi.
Matbuot xizmati