2022- yil 3- noyabr kuni Davlat statistika qo‘mitasi tomonidan Farg‘ona davlat universiteti bilan onlayn davra suhbati tashkil etildi.
Tadbirda Davlat statistika qo‘mitasi markaziy apparati boshqarma boshliqlari, Kadrlar malakasini oshirish va statistik tadqiqotlar instituti rahbariyati, Farg‘ona davlat universiteti professor-o‘qituvchilari, ilmiy tadqiqotchilar va talabalar ishtirok etdi.
Tadbirda Kadrlar malakasini oshirish va statistik tadqiqotlar instituti direktori, iqtisodiyot fanlari doktori, professor Gʻoyibnazarov Bahodir Karimovich “O‘zbеkiston Rеspublikasi makroiqtisodiy ko‘rsatkichlarining iqtisodiy-statistik tahlili” mavzusida taqdimot qildi.
Unda O’zbekiston Respulikasi makroiqtisodiy ko’rsatkichlarining besh yillik dinamikasi, o’sish sur’atlari va unga ta’sir etuvchi omillar to’g’risida ma’lumot berildi.
Shuningdek, qo‘mitaning Makroiqtisodiy indikatorlar va milliy hisoblar boshqarmasi boshlig’i Abarorali Mamadjanov yig‘ilish ishtirokchilariga MDH davlatlarining YAIM va u bilan bog’liq ko’rsatkichlari to’g’risida ma’lumot berdi.
Davlat statistika qo‘mitasi mutaxassislari davra suhbati ishtirokchilari tomonidan berilgan barcha savollarga atroflicha javob berdilar.