Davlatimiz rahbari poytaxtimizning Olmazor tumanida olib borilayotgan bunyodkorlik va obodonlashtirish ishlari bilan tanishish jarayonida mahallalar aholisining turmush tarzini oshirish borasida bir qancha topshiriqlar bergan edi.
Prezidentimiz belgilab bergan vazifalar ijrosini taʼminlash maqsadida, Davlat statistika qoʻmitasi tomonidan Toshkent shahrining Yangihayot tumanidagi mahallalarda muntazam ravishda obodonlashtirish va koʻkalamzorlashtirish tadbirlari, sport musobaqalari, turli madaniy-maʼrifiy uchrashuvlar, teatrlarga tashrif, yurtimizning diqqatga sazovor maskanlariga sayohatlar tashkil etib kelinmoqda.
Davlat statistika qoʻmitasi Yangihayot tumani hokimligi bilan hamkorlikda 8-dekabr – Konstitutsiya kuni bayrami munosabati bilan madaniy-maʼrifiy tadbir va sport musobaqalarini tashkil etdi.
Xususan, qizgʻin oʻtgan shaxmat, shashka va boshqa sport musobaqalarida yoshlar faol ishtirok etishdi.
Tadbir yakunida faol qatnashgan ishtirokchilarga esdalik sovgʻalari taqdim etildi.