Joriy yilning 29- dekabr kuni Davlat statistika qoʻmitasida Yangi yil munosabati bilan bayram tadbiri tashkil etildi. Unda qoʻmita markaziy apparati xodimlari va Kadrlar malakasini oshirish va statistik tadqiqotlar instituti professor-oʻqituvchilari ishtirok etdi.
Tadbirda dastlab, Davlat statistika qoʻmitasi raisi Begalov Bahodir Abdusalomovich barcha xodimlarni yaqinlashib kelayotgan Yangi yil bayrami bilan qutladi. Yil davomida statistika tizimida amalga oshirilgan ishlar, erishilgan yutuqlar va kelgusida bajarilishi lozim boʻlgan vazifalar haqida toʻxtalib oʻtdi.
Shundan soʻng, yil davomida faol boʻlgan xodimlarga Davlat statistikasi qoʻmitasi rahbariyati hamda Kasaba uyushmasi qoʻmitasi tomonidan faxriy yorliq va esdalik sovgʻalari berildi.
Tadbir soʻnggida taqdirlanganlar soʻzga chiqib, eʼtibor va eʼtirof uchun katta tashakkur bildirishdi, bu eʻtirof ularni yanada gʻayrat va shijoat bilan ishlashga koʻmak berishini aytib oʻtishdi.
Davlat statistika qoʻmitasining ahil jamoasi va qolaversa, barcha vatandoshlarimizni kirib kelayotgan yangi 2023-yil bilan chin dildan tabriklaymiz!
Yangi yil barchaga yangi omadlar, yangi zafarlar va ulkan muvaffaqiyatlar olib kelsin!
Matbuot xizmati