2023- yilning 2- fevral kuni Oʻzbekiston Respublikasi Prezidenti huzuridagi Statistika agentligi huzuridagi Kadrlar malakasini oshirish va statistik tadqiqotlar instituti qoshidagi Iqtisodiyot fanlari boʻyicha ilmiy darajalar beruvchi DSc.29/30.12.2019.I.92.01 raqamli Ilmiy kengashning navbatdagi majlisi bo’lib o’tdi.
Unda Statistika agentligining Demografiya va mehnat statistikasi boshqarmasi boshlig'i, Toshkent davlat iqtisodiyot universiteti mustaqil izlanuvchisi Yuldoshev Zoyir Toshkanovichning 08.00.06 – Ekonometrika va statistika ixtisosligida “O’zbekiston Respublikasida aholi bandligining statistik tadqiqi” mavzusidagi iqtisodiyot fanlari boʻyicha falsafa doktori (PhD) dissertatsiya ishi himoyasi bo’lib o’tdi.
Mazkur dissertatsiya ishi himoyasini Oʻzbekiston Respublikasi Prezidenti huzuridagi Statistika agentligi markaziy apparati tarmoq boshqarmalari rahbarlari ham onlayn kuzatib borishdi. Himoya natijalariga ko‘ra, dissertantga iqtisodiyot fanlari bo‘yicha falsafa doktori (PhD) ilmiy darajasini berishga qaror qilindi va Oliy attestatsiya komissiyasi Rayosatidan Kengash qarorini tasdiqlab berish so‘raldi.
Axborot xizmati