2023- yil 28- aprel kuni Toshkent moliya institutidagi “Statistika ilmiy-amaliy laboratoriyasi”da Oʻzbekiston Respublikasi Prezidenti huzuridagi Statistika agentligi tomonidan mahorat darsi tashkil etildi.
Tadbirda Statistika agentligi Xizmatlar sohasi statistikasi boshqarmasi boshlig'i Mirzaxidov Abdugafir Yuldashevich institut o‘qituvchi va talabalariga “O‘zbekiston Respublikasida xizmatlar sohasining rivojlanishi” mavzusida taqdimot qildi.
Taqdimotda xizmatlar sohasining mamlakat iqtisodiyotidagi ulushini oshirish, joylarda xizmatlar sohasidagi mavjud imkoniyatlardan to‘liq foydalanish, xizmat turlarini kengaytirish va sifatini oshirish, tadbirkorlik subyektlarini yanada qo‘llab-quvvatlash to’g’risida ma’lumot berildi.
Tadbir yakunida bu kabi tadbirlarni muntazam ravishda o’tkazish hamda talabalar uchun ham amaliyot darslarini tashkil etishga kelishib olindi.
Statistika agentligi mutaxassisi tadbir ishtirokchilari tomonidan berilgan barcha savollarga atroflicha javob berdi.
Matbuot xizmati