Kurash xalqimizning qadimiy milliy sport turlaridan biridir. Soʻnggi yillarda ushbu milliy sport turini yanada rivojlantirish va keng ommalashtirish, bu boradagi xalqimizning qadimiy anʼanalarini targʻib etishga alohida eʼtibor qaratilmoqda.
Prezidentimizning 2020-yil 4-noyabrdagi “Kurash milliy sport turini rivojlantirish va uning xalqaro nufuzini yanada oshirish chora-tadbirlari toʻgʻrisida”gi qarori bu borada muhim dasturiamal boʻlmoqda.
Joriy yilning 3- may kuni Statistika agentligida o‘tkazilayotgan “Sport festivali” doirasida milliy kurаsh sporti boʻyicha musobaqa tashkil etildi.
Sport musobaqasida munosib ishtirok etib, gʻolib va sovrindor boʻlgan xodimlarga diplom va esdalik sovgʻalar topshirildi
Bunday sport musobaqalarini oʻtkazishdan maqsad – xodimlar oʻrtasida sogʻlom turmush tarzini shakllantirish, jismoniy tarbiya va ommaviy sportni ommalashtirish, turli yomon odatlardan voz kechish orqali ishchanlik qobiliyatni oshirishdir.