2023- yil 12- may kuni Oʻzbekiston Respublikasi Prezidenti huzuridagi Statistika agentligi tomonidan Toshkent davlat transport universitetida davra suhbati tashkil etildi.
Unda Statistika agentligi markaziy apparati boshqarma boshliqlari, Toshkent davlat transport universiteti professor-o‘qituvchilari, ilmiy tadqiqotchilar va Qurilish muhandisligi fakulteti talabalari ishtirok etdi.
Tadbirda Statistika agentligi Investitsiyalar va qurilish statistikasi boshqarmasi boshlig‘i Jomolov Muzaffar Mirzoxitovich “O‘zbеkiston Rеspublikasining investitsiyalar va qurilish statistikasi” mavzusida taqdimot qildi.
Taqdimotda O’zbekiston Respublikasi investitsiyalar va qurilish statistikasi ko’rsatkichlarining besh yillik dinamikasi, o’sish sur’atlari va unga ta’sir etuvchi omillar to’g’risida ma’lumot berildi.
Davra suhbati yakunida bu kabi tadbirlarni muntazam ravishda o’tkazish hamda talabalar uchun amaliyot darslarini tashkil etishga kelishib olindi.
Statistika agentligi mutaxassislari davra suhbati ishtirokchilari tomonidan berilgan barcha savollarga atroflicha javob berdilar.
Faol qatnashgan talabalarga turli statistik toʻplamlar va kitoblar sovgʻa qilindi.
Matbuot xizmati