Yurtimizda aholi salomatligini saqlash va mustahkamlash, sog‘lom turmush tarzini targ‘ib qilishni kuchaytirish davlat siyosatining ustuvor yo'nalishlaridan biridir.
O‘zbekiston Respublikasi Prezidentining 2021- yil 5- noyabrdagi “Yurish, yugurish, mini-futbol, badminton, stritbol va “Workout” sport turlarini yanada rivojlantirish chora-tadbirlari to‘g‘risida”gi PQ-5282-sonli qaror ijrosini ta’minlash maqsadida barcha ishchi-xodimlar o‘rtasida sog‘lom turmush tarzini keng tatbiq qilish maqsadida turli sport musobaqalari tashkil etilmoqda.
Jumladan, Statistika agentligida ham ommaviy sportni rivojlantirish maqsadida sport majmualarida xodimlar o‘rtasida turli sport musobaqalari o‘tkazildi.
Joriy yilning 4–22-may kunlari reja asosida agentlik markaziy apparati boshqarmalarning xodimlari o‘rtasida “Sport festivali” o‘tkazildi.
Mazkur sport festivalida badminton, mini-futbol, stol tennis, workout kabi sport turlari bo‘yicha musobaqalar tashkil etildi.
Ta’kidlash lozimki, muntazam jismoniy tarbiya va ommaviy sportni o‘tkazishdan maqsad har bir fuqaroda sog‘lom turmush tarzini shakllantirish, yomon odatlardan voz kechish, to‘g‘ri ovqatlanish tamoyillariga rioya qilishdir.
Sport festivali g‘olib va sovrindorlariga diplom va esdalik sovg‘alari topshirildi.