O’zbekiston Respublikasi Prezidenti huzuridagi Statistika agentligi tomonidan Toshkent shahrining Yangihayot tumanidagi mahallalarda muntazam ravishda obodonlashtirish va koʻkalamzorlashtirish tadbirlari, sport musobaqalari, turli madaniy-maʼrifiy uchrashuvlar, teatrlarga tashrif, yurtimizning diqqatga sazovor maskanlariga sayohatlar tashkil etib kelinmoqda.
Navbatdagi madaniy-maʼrifiy tadbir Yangihayot tumanidagi “Yorqin hayot” MFYda oʻtkazildi. Mazkur kecha Statistika agentligi tomonidan “Yorqin hayot” MFY bilan hamkorlikda oʻtkazildi.
1-iyun – Xalqaro bolalarni himoya qilish kuni arafasida “Yangi Oʻzbekiston yoshlari birlashaylik!” shiori ostida tashkil etilgan tadbirga Yangihayot tumanidagi “Yorqin hayot”, “Navqiron”, “Marhamat”, “Mashʼal” MFY yoshlari taklif etildi.
Tadbirda mahalla ahlining madaniy hordiq chiqarishi uchun sport musobaqalari tashkil etilib, sanʼatkorlar tomonidan turli kuy-qoʻshiqlar kuylandi.
Xususan, kamondan o'q otish, arqon tortish, stol tennisi, bandminton, shaxmat, shashka va boshqa sport musobaqalarida nafaqat yoshlar, balki kattalar ham faol ishtirok etishdi.
Oʻzbekiston Respublikasida xizmat koʻrsatgan artist Davron Ahmedov hamda boshqa sanʼatkorlarning kuy-qo‘shiqlari bolajonlarga bir olam shodlik ulashdi.
Milliy gvardiya harbiy orkestri chiqishlari ham ishtirokchilarda katta taassurot qoldirdi.
Sanʼatkorlarning kuy-qoʻshiqlarga mahalla aholisi raqsga tushib, madaniy hordiq chiqarishdi.
Tadbir davomida bolajonlarga muzqaymoq ham tarqatildi.
Tadbir yakunida faol qatnashgan ishtirokchilarga esdalik sovgʻalari taqdim etildi.
Bu kabi ma’daniy-ma’rifiy tadbirlar Yangihayot tumanining boshqa mahallarida ham tashkil etilishi rejalashtirilgan.
Matbuot xizmati