Joriy yilning 31- may kuni Toshkent davlat iqtisodiyot universiteti huzuridagi “O‘zbekiston iqtisodiyotini rivojlantirishning ilmiy asoslari va muammolari” ilmiy-tadqiqot markazida “Milliy iqtisodiyotni isloh qilish va barqaror rivojlantirish istiqbollari” mavzusida respublika ilmiy-amaliy konferensiyasi o‘tkazildi.
Mazkur konferensiyada O‘zbekiston Respublikasi Prezidenti huzuridagi Statistika agentligining Makroiqtisodiy indikatorlar va milliy hisoblar boshqarmasi boshlig‘i A.Mamadjanov ishtirok etdi va “Mamlakat milliy iqtisodiyotining rivojlanish tendensiyalari tahlili” mavzusida taqdimot qildi.
A.Mamadjanov taqdimot yuzasidan konferensiya ishtirokchilari tomonidan berilgan savollarga batafsil javob berdi.
Konferensiya yakunida A.Mamadjanov O‘zbekiston iqtisodiyotini rivojlantirishning ilmiy asoslari va muammolari” ilmiy-tadqiqot markazi tomonidan sertifikat bilan taqdirlandi.