Joriy yil 19-sentabr kuni Nyu-York shahridagi Birlashgan Millatlar Tashkiloti bosh qarorgohida BMT Bosh Assambleyasi 78-sessiyasi boʻlib oʻtdi. Unda Oʻzbekiston Respublikasi Prezidenti Shavkat Mirziyoyev ham nutq soʻzlagan edi.
Oʻzbekiston Respublikasi Prezidenti huzuridagi Statistika agentligida davlatimiz rahbarining BMT Bosh Assambleyasi 78-sessiyasida soʻzlagan nutqi boʻyicha targʻibot tadbiri tashkil etildi. Unda Statistika agentligi markaziy apparati xodimlari ishtirok etishdi.
Tadbirda ishtirokchilarga Prezidentimizning BMT minbaridan turib soʻzlagan nutqi haqida keng tushuncha berildi.
Jumladan, davlatimiz rahbarining Oʻzbekistonda yangilangan Konstitutsiya, iqtisodiyotimizni liberallashtirish yoʻlidagi ustuvor vazifalar, aholi turmush darajasini oshirishga qaratilgan siyosat va boshqa masalalarda soʻzlagan nutqi haqida batafsil maʼlumotlar berildi.
