Joriy yilning 17-dekabr kuni Qashqadaryo viloyati statistika boshqarmasida statistika boshqarmasi rahbariyati va OAV vakillari ishtirokida “Qashqadaryo viloyatining iqtisodiy-ijtimoiy ko‘rsatkichlari hamda aholini ro‘yxatga olishga tayyorgarlik ko‘rish” mavzusida matbuot anjumani bo‘lib o‘tdi.
Tadbirda Viloyat statistika boshqarmasi boshlig‘i o‘rinbosarlari so‘zga chiqib, Oʻzbekiston Respublikasi Prezidentining 2024-yil 4- martdagi “Oʻzbekiston Respublikasi Prezidenti huzuridagi Statistika agentligi faoliyatini tashkil etish chora-tadbirlari toʻgʻrisida”gi PQ-114-son qarorining mazmun-mohiyati bo‘yicha tushunchalar berib o‘tishdi.
Shuningdek, suhbat davomida Ro'yxatga olish jarayonlarini tashkil etish va o'tkazish bo'limi boshlig‘i A. Qurbonov Oʻzbekiston Respublikasi Prezidentining 2019- yil 5- fevraldagi “Oʻzbekiston Respublikasida 2022- yilda aholini roʻyxatga olishni oʻtkazish Konsepsiyasini tasdiqlash toʻgʻrisida”gi PF-5655- sonli Farmoni va Oʻzbekiston Respublikasining 2020- yil 16- martdagi OʻRQ-611-sonli “Aholini roʻyxatga olish toʻgʻrisi”gi Qonunining mohiyati bo‘yicha batafsil ma’lumotlar berdi.
Tadbir yakunida jurnalistlar tomonidan berilgan savollarga boshqarma boshlig‘i o‘rinbosari Tuychiyev Xasan Kuchkarovich hamda boshqarma xodimlari tomonidan atroflicha javob berildi.
