Joriy yilning 27-dekabr kuni Statistika agentligida Yangi yil munosabati bilan bayram tadbiri tashkil etildi. Unda agentlik markaziy apparati xodimlari ishtirok etdi.
Tadbirda dastlab, Statistika agentligi direktori Begalov Bahodir Abdusalomovich barcha xodimlarni yaqinlashib kelayotgan Yangi yil bayrami bilan qutladi. Mazkur yilda statistika tizimida amalga oshirilgan ishlar, erishilgan yutuqlar va kelgusida bajarilishi lozim boʻlgan vazifalar haqida toʻxtalib oʻtdi.
Shundan soʻng, yil davomida faollik ko‘rsatgan xodimlarga Statistika agentligi rahbariyati hamda Kasaba uyushmasi qoʻmitasi tomonidan faxriy yorliq berildi.
Statistika agentligining ahil jamoasi va qolaversa, barcha vatandoshlarimizni kirib kelayotgan yangi 2025-yil bilan chin dildan tabriklaymiz!
Yangi yil barchaga yangi omadlar, yangi zafarlar va ulkan muvaffaqiyatlar olib kelsin!