Joriy yilning 11-fevral kuni Oʻzbekiston Respublikasi Prezidenti huzuridagi Statistika agentligi markaziy apparati xodimlari ishtirokida “Ikki buyuk siymo: ma’naviyatimiz sarchashmalari” mavzusida ma’naviyat va ma’rifat tadbiri o‘tkazildi.
Tadbirda direktorning davlat tili masalalari bo‘yicha maslahatchisi Qiyomxon Ahmedov va shoira Farog‘at Xudoyqulova tomonidan Mir Alisher Navoiy hazratlari hamda Zahiriddin Muhammad Boburning hayoti va ijodi, shuningdek, millatimiz ravnaqi uchun qoldirgan ma’naviy me’roslari ishtirokchilarga bayon qilindi.
Qiziqarli va yangi ma’lumotlarga boy suhbatdan xodimlar ma’naviy ozuqa olib, buyuk ajdodlarning avlodi ekanligini yana bir bor his etishdi.