Joriy yilning 11- fevral kuni Statistika agentligida Mustaqil Davlatlar Hamdo‘stligi Statistika qo‘mitasi tomonidan Milliy statistika idoralari mutaxassislari o‘rtasida platforma bandligini o‘lchash bo‘yicha onlayn yig‘ilish bo‘lib o‘tdi.
Onlayn yig‘ilishda Statistika agentligining Demografiya, mehnat va gender statistikasi boshqarmasi mas’ul xodimlari ham ishtirok etishdi.
“MDH statistikasini rivojlantirish” loyihasini amalga oshirish doirasida, MDH Statistika qo‘mitasi “Internet platformalari orqali ishlovchi xodimlarni hisobga olish bo‘yicha tavsiyalar ishlab chiqish” mavzusida uslubiy ishini tayyorlagan edi.
Yig‘ilish davomida tayyorlangan tavsiyalarga oid uslubiy masalalar, shuningdek, “Internet platformalari orqali ishlovchi xodimlarni hisobga olish bo‘yicha tavsiyalar ishlab chiqish” mavzusidagi taqdim etilgan ma’lumotlar bo‘yicha MDH davlatlari milliy statistika idoralaridan kelgan takliflar muhokama qilindi.
