2025-yil 26-may kuni O‘zbekiston Respublikasi Milliy statistika qo‘mitasida Toshkent davlat iqtisodiyot universitetining “Iqtisodiy statistika” kafedrasi magistratura bitiruvchilarining magistrlik dissertatsiya ishi himoyalari bo‘lib o‘tdi.
Himoyada 70410801 – Statistika (tarmoqlar va sohalar bo‘yicha) mutaxassisligi bo‘yicha tahsil olayotgan talabalar o‘z ilmiy-tadqiqot ishlarini taqdim etdilar.
Himoya jarayonida magistrantlar statistik tahlil asosida O‘zbekiston iqtisodiyoti va statistikasi uchun dolzarb bo‘lgan masalalar yuzasidan o‘z takliflari bilan qatnashdi.
Mazkur tadbir O‘zbekiston Respublikasi Milliy statistika qo‘mitasi hamda Toshkent davlat iqtisodiyot universiteti o‘rtasidagi samarali hamkorlikning amaliy ifodasi bo‘lib, u iqtisodiyot va statistika yo‘nalishlari uchun yuqori malakali mutaxassislar tayyorlash yo‘lidagi muhim bosqichlardan biri hisoblanadi.