26/10/2020

O‘zbekiston Respublikasida 2020- yilning 1- oktabr holatiga ko‘ra faoliyat yuritayotgan kichik korxona va mikrofirmalar soni 391 300 tani tashkil etdi.

Hududlar bo‘yicha eng ko‘p faoliyat yuritayotgan kichik korxona va mikrofirmalar Toshkent shahrida – 82 301 ta yoki jamiga nisbatan 21,0 %, Toshkent viloyatida – 38 097 ta yoki 9,7 % va Farg‘ona viloyatida – 33 307 ta yoki 8,5 %ni tashkil qildi.

Shunindek, iqtisodiy faoliyat turlari bo‘yicha tahlil qilinganda eng ko‘p kichik korxona va mikrofirma savdo – 123 466 ta yoki jamiga nisbatan 31,6 %, sanoat – 79 230 ta yoki 20,2 %, qurilish – 39 641 ta yoki 10,1% hamda qishloq, o‘rmon va baliq xo‘jaligida – 38 125 ta yoki 9,7 %ni tashkil etdi.

2020- yilning yanvar-sentabr oylarida respublika bo‘yicha jami 70 251 ta yangi kichik korxona va mikrofirma tashkil etildi. Jumladan, eng ko‘p yangi tashkil etilgan kichik korxona va mikrofirmalar Toshkent shahrida – 10 786 ta yoki jamiga nisbatan 15,4 %, Samarqand viloyatida – 6 558 ta yoki 9,3 %, Surxondaryo viloyatida – 6 395 ta yoki 9,1 %ni tashkil qildi.

Iqtisodiy faoliyat turlari bo‘yicha yangi tashkil etilgan kichik korxona va mikrofirmalarning eng yuqori qismi savdo – 25 987 ta yoki jamiga nisbatan 37,0 %ni, sanoat – 14 540 ta yoki 20,7 %, qishloq, o‘rmon va baliq xo‘jaligi – 11 841 ta yoki 16,9 % hamda qurilishda – 4 701 ta yoki 6,7 %ni tashkil etdi.

Respublika tuman va shaharlari bo‘yicha bo‘yicha tahlil qilinganda, eng ko‘p yangi tashkil etilgan kichik korxona va mikrofirmalar Andijon shahrida 1 584 ta, Samarqand shahrida 1 564 ta, Chilonzor tumanida 1408 taga yetdi.

Faoliyat yuritayotgan kichik tadbirkorlik subyektlari har ming aholiga to‘g‘ri kelishi 2020- yilning yanvar-sentabrida 15,0 birlikka yetdi. Shuningdek, tuman va shaharlar bo‘yicha eng yuqori ko‘rsatkich Yakkasaroy tumanida 60,8 birlik, Bektemir tumanida 57,9 birlik hamda Mirobod tumanida 47,4 birlikni tashkil etdi.

 

Axborot xizmati

 

 

 

Tugmani bosing Tinglash GSpeech