Aholi salomatligini saqlash, sog'lom turmush tarzini keng targ'ib qilish davlat siyosatining ustuvor yo'nalishlaridan biridir.
Prezidentimizning 2020- yil 30- oktabrdagi "Sog'lom turmush tarzini keng tatbiq etish va ommaviy sportni yanada rivojlantirish chora-tadbirlari to'g'risida"gi PF-6099-son farmoni ijrosi bo‘yicha barcha ishchi-xodimlar o‘rtasida sog'lom turmush tarzini keng tatbiq qilish maqsadida turli sport musobaqalari o‘tkazilmoqda.
Davlat statistika qo'mitasi markaziy apparati hamda hududiy boshqarma xodimlari haftaning har shanba kuni maxsus sport majmualarida ommaviy sportni rivojlantirish maqsadida ishchi-xodimlar o‘rtasida turli sport tadbirlari ham tashkil etib kelmoqda. Xususan, 24- aprel kuni reja asosida xodimlar o'rtasida futbol, stol tennisi va shaxmat musobaqalari o'tkazildi.
Ta’kidlash lozimki, muntazam jismoniy tarbiya va ommaviy sport bilan shug‘ullanish tanani chiniqtirib, sog'lom turmush tarzini shakllantiradi. Sport bilan muntazam shug‘ullanish, to'g'ri ovqatlanish qoidalariga rioya qilish, turli kasalliklarga qarshi immunitet tizimini shakllantirishda muhim ahamiyatga egadir.
Matbuot xizmati