Joriy yilning 26- aprel kuni Davlat statistika qo‘mitasi hamda Toshkent moliya instituti hamkorligida videokonferensaloqa orqali davra suhbati tashkil etildi.
Tadbirda, Aholi turmush darajasi va kuzatuvlari statistikasi boshqarmasi vakillari, Toshkent moliya instituti professor-o‘qituvchilari, ilmiy tadqiqotchilar va talabalar ishtirok etdi.
Dastlab, Aholi turmush darajasi va kuzatuvlari statistikasi boshqarmasi boshlig‘i Madaminov Umid Kanjaboyevich aholi turmush darajasini o'rganishning uslubiy jihatlari haqida taqdimot o‘tkazdi.
Taqdimot davomida aholi turmush darajasi kuzatuvlarini tashkil qilish va o‘tkazish borasida batafsil ma'lumot berildi.
Shuningdek, tadbirda Toshkent moliya instituti o‘qituvchilari va talabalari o‘zlarini qiziqtirgan savollariga javob olishdi.
Davra suhbati yakunida ishtirokchilar hamkorlik aloqalarini yanada mustahkamlash va bu kabi uchrashuvlarni muntazam o‘tkazishga kelishib oldi.
Matbuot xizmati