Жорий йилнинг 6-декабр куни Статистика агентлигида агентликнинг Коррупсияга қарши ички назорат хизмати томонидан “9-декабр Халқаро коррупсияга қарши курашиш куни”га бағишлаб марказий аппарат ходимлари иштирокида тарғибот тадбири ўтказилди.
Унда Ўзбекистон Резпубликасининг “Коррупсияга қарши курашиш тўғрисида”ги ЎРҚ-419-сонли Қонуни ижроси юзасидан Статистика агентлиги ва унинг қуйи тизим ташкилотларида коррупсияни олдини олиш ва унга қарши курашиш ҳамда ушбу иллатга нисбатан ходимларда муросасиз кўникмаларни шакллантириш бўйича тушунтириш ишлари олиб борилди.
Соҳани коррупсиядан ҳоли тизимга айлантириш учун жорий йилда статистика органларининг 70 та вазифа ва функсиялари коррупсиявий хавф-хатарлар бўйича баҳоланганлигига алоҳида эътибор қаратилди.
Йиғилиш сўнгида семинар иштирокчилари томонидан берилган саволларга Коррупсияга қарши ички назорат хизмати бош мутахассиси Б.Меликмуротов томонидан батафсил жавоб берилди.
Матбуот хизмати