O‘zbekiston Respublikasi Vazirlar Mahkamasining 2020- yil 11- noyabrdagi "O‘zbekiston Respublikasida 2023- yilda aholini ro‘yxatga olishga tayyorgarlik ko‘rish va uni o‘tkazish chora-tadbirlari to‘g’risida"gi 710- son qarori ijrosi yuzasidan Surxondaryo viloyat statistika boshqarmasi zalida tadbir tashkil etildi.
Tadbirda Surxondaryo viloyat statistika boshqarmasi, Termiz shahar statistika bo‘limi, shahar mahalla va oilani qo‘llab quvvatlash bo‘limi, shahar kadastr agentligi mutaxassislari hamda ommaviy axborot vositalari xodimlari ishtirok etdi.
Tadbirda viloyat statistika boshqarmasi boshlig’ining o‘rinbosari Mansur Raxmonov, Ro‘yxatga olish jarayonlarini tashkil etish va o‘tkazish bo‘limi boshlig’i Sirojiddin Ostonov hamda Termiz shahar statistika bo'lim boshlig’i Yusuf Turdiyevlar so‘zga chiqdilar.
Tadbirni o‘tkazishdan ko‘zlangan asosiy maqsad – ro‘yxatga olish ishlariga ko‘rilayotgan tayyorgarlik jarayoni hamda belgilangan vazifalar ijrosi haqida fikr-mulohaza almashish. Shuningdek, mahallada vakillariga yurtimizda 2023- yilda o‘tkaziladigan aholini ro‘yxatga olish ishlari bo‘yicha keng tushuncha berishdir.
Seminar davomida ishtirokchilarni qiziqtirgan savollarga mutaxassislar tomonidan atroflicha javob berildi.
Matbuot xizmati