Davlat statistika qo‘mitasi va BMTning Bolalar jamg'armasi (UNICEF)ning mas'ul ekspertlari tomonidan MICS kuzatuvlarining yangi tanlanmasi uchun uy xo‘jaliklarini tasodifiy tanlash bosqichlarini tavsiflashga bag‘ishlangan videoseminar tashkil etildi.
Tadbirda, Davlat statistika qo‘mitasi xodimlari va xalqaro ekspertlar ishtirok etdi.
Seminarda mamlakatimizda Multiindikator klaster kuzatuvlarini o‘tkazishda tanlanma kuzatuvlar amalga oshirish uchun uy xo‘jaliklarini tasodifiy tanlash (556 mahallada 4448 ta xonadon) masalasi ko‘rib chiqildi.
Eslatib o‘tamiz, 2019- yil 24- iyulda Vazirlar Mahkamasining “2020–2021- yillarda O‘zbekiston Respublikasida multiindikator klaster kuzatuvlarini o‘tkazish to‘g‘risida”gi qarori qabul qilindi. Multiindikator klaster kuzatuvlari (MICS)ni o‘tkazishdan ko‘zlangan asosiy maqsad – aholining yashash sharoitlari to‘g‘risida ma'lumotlar yig‘ishdir.
Matbuot xizmati