Joriy yilning 24-25-fevral kunlari Oʻzbekiston Respublikasi Milliy gvardiyasi Ixtisoslashtirilgan oʻquv markazida “Oʻzbekiston Respublikasi Qurolli kuchlari tizimida tovarlarni xarid qilishning oʻziga xos xususiyatlari" mavzusida ilmiy-amaliy anjumani oʻtkazildi.
Anjuman ishtirokchilari Qurolli kuchlar tizimida davlat xaridlarini amalga oshirish jarayonidagi mavjud muammolarni tahlil qilish va yechimini topish, raqamli iqtisodiyot sharoitida moliyaviy nazoratni takomillashtirishning istiqbollarini belgilashmasalalarida soʻz yuritdi.
Tadbirda Davlat statistika qoʻmitasi huzuridagi Kadrlar malakasini oshirish va statistik tadqiqotlar institutining “Makroiqtisodiy statistika va milliy hisoblar” kafedrasi katta oʻqituvchisi Shavkat Jumaniyazov “Iqtisodiyotni raqamlashtirish – yashirin sektor ulushini kamaytirishning muhim yoʻnalishi” mavzusida maʼruza qildi.
Anjuman soʻnggida tadbirni oʻtkazishda follik koʻrsatgan bir guruh ishtirokchilarga esdalik sovgʻalari va tashakkurnomalar topshirildi.
Matbuot xizmati