Joriy yilning 18- aprel kuni Jahon Banki eksperti Dmitro Kotlyar tomonidan “Korrupsion xavflarni boshqarish asoslari” mavzusida onlayn trening tashkil etildi.
Seminarda, davlat organlari va tashkilotlarining ichki nazorat tuzilmalarining 40 nafardan ortiq vakillari qatnashdi. Davlat statistika qo‘mitasining Korrupsiyaga qarshi ichki nazorat xizmati boshlig‘i Z. Abduxamidov mazkur seminarda Zoom orqali ishtirok etdi.
Treningda korrupsion xavflarni boshqarish boʻyicha tushunchalar va xalqaro vositalar, baholashning asosiy yoʻnalishlari, xalqaro tajriba va Oʻzbekiston sharoitida amalga oshirilishi mumkin boʻlgan muhim qadamlar muhokama qilindi.
Xususan, korrupsion xavflarni boshqarish va korrupsiyaning oldini olishda ISO 37001:2018/2016 xalqaro standartlarining joriy etilishi, mazkur yoʻnalishdagi xorijiy davlatlar (Janubiy Koreya, Ukraina, Moldova, Fransiya va Malayziya)ning tajribasi va faoliyati, korrupsiyaviy xavf-xatarlarni baholash mezonlari yuzasidan tajriba almashildi.
Tadbir yakunida ishtirokchilar tomonidan berilgan savollar atroflicha muhokama qilindi.
Matbuot xizmati