Joriy yilning 8- aprel kuni davlatimiz rahbari poytaxtimizning Olmazor tumanida olib borilayotgan bunyodkorlik va obodonlashtirish ishlari bilan tanishish jarayonida mahallalar aholisining turmush tarzini oshirish borasida bir qancha topshiriqlar bergan edi.
Prezidentimiz belgilab bergan vazifalar ijrosini taʼminlash maqsadida, Davlat statistika qoʻmitasi tomonidan Toshkent shahrining Yangihayot tumanidagi mahallalarda muntazam ravishda obodonlashtirish va koʻkalamzorlashtirish tadbirlari, sport musobaqalari, turli madaniy-maʼrifiy uchrashuvlar, teatrlarga tashrif, yurtimizning diqqatga sazovor maskanlariga sayohatlar tashkil etib kelinmoqda.
Navbatdagi madaniy-maʼrifiy kecha Yangihayot tumanidagi “Yorqin hayot” MFYda oʻtkazildi. Mazkur kecha Davlat statistika qo‘mitasi tomonidan “Yorqin hayot” MFY bilan hamkorlikda tashkil etildi.
Tadbirda mahalla ahlining madaniy hordiq chiqarishi uchun sport musobaqalari tashkil etilib, sanʼatkorlar tomonidan turli kuy-qoʻshiqlar kuylandi.
Xususan, kamondan o'q otish, arqon tortish, stol tennisi, bandminton, shaxmat, shashka va boshqa sport musobaqalarida nafaqat yoshlar, balki kattalar ham faol ishtirok etishdi.
Kechgacha davom etgan tadbirda mahalla aholisi kuy-qo'shiqlarga raqsga tushib, madaniy hordiq chiqarishdi.
Tadbir yakunida faol qatnashgan ishtirokchilarga esdalik sovgʻalari taqdim etildi.
Bu kabi ma’daniy-ma’rifiy tadbirlar Yangi Hayot tumanining boshqa mahallarida ham tashkil etilishi rejalashtirilgan.
Matbuot xizmati