2022- yilning yanvar-iyun oylari yakunlariga ko‘ra, Namangan viloyatida YAHM 17 222,9 mlrd. so‘mni tashkil etdi, bu esa 2021- yilning yanvar-iyun oylari ma’lumotlariga nisbatan 6,6 % ga ko‘pdir.
YAHMning o‘sish sur’ati qishloq, o‘rmon va baliqchilik xo‘jaligida 103,4 % (YAHM tarkibidagi ulushi – 33,4 %), sanoatda 108,6 % (16,1 %), qurilishda 109,8 % (7,7 %) va xizmatlar sohasida 107,4 % (42,8 %) kuzatilgan ijobiy o‘sish sur’atlari bilan bog‘liqdir. Aholi jon boshiga YAHM 4,2 % ga o‘sdi va 5 847,8 ming so‘mni tashkil etdi.
