Mamlakatimizda sogʻlom turmush tarzini keng targʻib qilish, ommaviy sportni rivojlantirish maqsadida turli vazirlik, idora va boshqa davlat tashkilotlarning markaziy apparati xodimlari oʻrtasida futbol boʻyicha anʼanaviy “Hukumat kubogi” musobaqasi tashkil etildi.
Ushbu musobaqada Davlat statistika qo‘mitasi markaziy apparati xodimlaridan iborat jamoa ham ishtirok etdi.
Ta’kidlash lozimki, joriy yilgi musobaqada 60 dan ortiq jamoa nomi qayd etildi. O`zbekiston futbol assotsasiyasi mutaxassislari tomonidan o`tkazilgan qur`a tashlash marosimi shaffof, adolatli va sport prinsiplariga qat`iy amal qilingan holda bo‘lib o‘tdi.
Musobaqa nizomiga koʻra, oʻyinlar 25 daqiqadan ikki boʻlim davom etdi. O‘yinlar “Bunyodkor” stadionida bo‘lib o‘tdi.
Davlat statistika qo‘mitasi jamoasi dastlabki o‘yinda Favqulotta vaziyatlar vazirligi jamoasini 2-1 hisobida mag‘lubiyatga uchratib, keyingi bosqichga yo‘l oldi.
Matbuot xizmati