Joriy yilning 23-yanvar kuni Navoiy viloyati statistika boshqarmasida “Axborot xavfsizligi va kiberjinoyatchilikka qarshi kurashish” mavzusida targʻibot tadbiri boʻlib oʻtdi.
Tadbirda Navoiy viloyati ichki ishlar boshqarmasi tezkor qidiruv xizmati “Kiberxavfsizlik” boʻlimi mutaxassisi Shahzod Nuriddinov boshchiligidagi vakillar hamda viloyat statistika boshqarmasi xodimlari ishtirok etishdi.
Muloqot davomida “Kiberxavfsizlik” boʻlimi mutaxassisi Shahzod Nuriddinov dastlab kiberjinoyatchilikni oldini olishga qaratilgan chora-tadbirlar yuzasidan atroflicha maʼlumotlar berib oʻtdi.
Kiberjinoyatchilik — axborotni egallash, uni oʻzgartirish, yoʻq qilish yoki axborot tizimlari va resurslarini ishdan chiqarish maqsadida kibermakonda dasturiy taʻminot va texnik vositalardan foydalanilgan holda amalga oshiriladi.
Shuningdek, bugungi kunda kiberxavfsizlik tushunchasining koʻlami faqatgina axborot texnologiyalari sanoatida axborotni himoyalash emas, balki kibermakon kabi mobil toʻlovlar, elektron savdo-sotiq va internet bank kabi eng soʻnggi texnologiyalar ham yuqori darajadagi xavfsizlikni talab etayotganligi aniq misollar orqali tushuntirildi.
Tadbir soʻnggida ishtirokchilarni qiziqtirgan savollariga batafsil javoblar berildi.